【放完假啦】利物浦球員將會星期三復操，邊個唔去嘅舉手！ 精選

利物浦係星期三將會開始復操，為新一季英超做好準備。但留意返，唔係個個球員都會係當日開始操練。
利物浦嘅第一場英超將會係8月12日作客對屈福特，剩返仲有個幾月嘅時間，係時候放完暑假，開始練波啦！利物浦將會係Melwood進行第一節嘅操練，而係一星期後，即係7月12日就會踢季前友誼賽，對燦美爾流浪隊。踢完呢場之後，利物浦就會踢多七場熱身賽，包括7月19日同22日黎香港嘅英超挑戰賽，以及8月去德國踢嘅Audi 盃。

但其實呢個時間亦係國際友誼賽以及U21歐國盃嘅以及洲際國家盃（岩岩德國贏左果個），所以某啲球隊主力7月5日返唔切去操練。

所以唔會出現嘅球員有：
米奴列、丹尼禾特、路夫蘭、卡拉雲，古積、韋拿度姆、伊查尼亞、哈利韋遜、奧祖同埋賓活（小妹都係叫慣佢木燒）都被徵召為國家隊效力。另外，安尼簡、古天奴、拉蘭拿，仲有新簽返黎嘅沙拿同埋蘇蘭基都唔會出現。
咁有咩人會出席呢？

龍門方面：
據知卡里奧斯將會係高普季前熱身賽中嘅正選龍門，睇返呀男神instagram，佢岩岩去完美國渡假返黎，仲影左唔少型仔相添！
j死人咩？

後防方面：馬迪普、盧卡斯、高美斯、占士米拿、摩蘭奴、佳尼、法蘭根、蘭杜爾以及AA阿諾如無意外都會出現嘅！

中場方面：
而隊長軒達臣係上季季尾傷左，但過左咁長嘅康復時間之後預計佢都會跟操，而正選比較少見到嘅史超活、班拿根、基利維拿都會一齊訓練。
3日前隊長去左打golf喎～
前場方面：
大家都記得文尼係季尾又係傷左，係四月膝頭哥仲做左手術！但三個月後，相信佢已經預備好接受操練。之不過之前話已經好返好多嘅京斯就…據報話佢仲係康復中。另外費明奴、早前鏡報話被高普封盤嘅史杜列治、賴恩堅特及畢偉特（Rhian Brewster) 都會出席。
文尼4月做完手術後而今次嘅操練亦有預埋青訓球員份，好似Kamil Grabara, Shamal George, Conor Masterson, Sam Hart, Adam Lewis, Matty Virtue, Jordan Williams, Herbie Kane, Paulo Alves 同埋Yan Dhanda都會跟操。

因為工作證問題，Allan Rodrigues 同埋 Taiwo Awoniyi 仲係未知會唔會去到練波。而搵緊新東主嘅沙高同埋馬高域亦唔會出現。

7月5日星期三黎唔到嘅球員都會陸陸績績返去Melwood，而估計岩岩捧盃嘅安尼簡會係最遲歸隊嘅一名。

高普係之前嘅訪問講到，係2015／16，利物浦會打4-2-3-1多，而去到2016／17，就變左踢4-3-3或者4-5-1。係現有嘅球員選擇，佢相信呢個亦係最適合球隊嘅陣式。但對於下季會唔會同返相同嘅陣容，佢表示仲未有定案，但一定會有改變。利物浦仲要備戰歐洲賽，一個更強大而變通嘅陣容係必要嘅，希望高普係呢一個月嘅時間慢慢試陣，係新一季比賽嘅表現可以令球迷眼前一亮！

reference：this is anfield，squawka