【爭氣】丹尼京斯的正選挑戰

利永遠不會毒行 於 04/06/2017 發表 收藏文章
丹尼京斯終於傷癒啦,「傷癒」一詞緊係配「復出」啦!之不過,佢攞唔攞到正選位置,就係一個未知之數啦…跟據外媒報導,京斯已經準備好接受重返正選嘅挑戰,亦都會參與球隊賽季前訓練。呢位前般尼前鋒其實都好努力好爭氣,操練果陣都非常認真,希望可以利到高普認為佢係夠料踢正選。但有小道消息指出,要成為一隊18人中嘅其中一席位嘅機會好細。
呢位24歲嘅前鋒加盟左利物浦咁耐就差唔多傷咁耐,係2015/16果季季初佢踢得都ok架,但好可惜,係十月果陣佢係第一次高普領軍嘅操練就傷左十字韌帶,之後就休養差唔多成季啦。係同季2016年5月,佢傷癒後首場係對西布朗以後備上陣。係京斯好返之後,佢係利物浦季前熱身賽都有唔錯嘅表現,仲入過幾球波。但黑仔嘅野真係…係今季首場上陣嘅聯賽盃對熱刺果陣,佢再次受到膝傷患困擾,令到佢再次要缺陣一段時間。

係轉會市場開放果陣聽到呢啲野,都係果個問題啦,應唔應該賣?據知有數間英超球隊都密切留意緊京斯嘅狀態,認為佢會係一個性價比高嘅球員,最緊要佢係一個英人呀。但隨住利物浦岩岩簽左車路士新仔蘇蘭基,加上本身前線嘅費明奴、史杜列治同埋奧歷治在陣,邊夠分呀啲位?之不過報導亦講到,利物浦唔會咁容易放棄京斯。係一個外國網站嘅投票上面,超過80%嘅球迷都希望京斯繼續披上利物浦戰衣呢~
態度決定一切。

京斯係利物浦2年,其實只係上陣過11次,經歷過兩次大傷,佢嘅堅強,堅定嘅目標和質素可能已被證明是無價的。而京斯本人都想留繼績留係晏菲路,將兩年前加盟利物浦時嘅夢想繼續延續落去。利物浦高層一直都好撐京斯,覺得佢係一個全能嘅球員-無論係技術、或者態度上面。小妹相信京斯係可以係習訓、熱身賽等爭氣,證明俾高普睇佢係一個對利物浦有價值嘅球員。所以假如利物浦收到其他球會對佢嘅出價…都唔驚!而利物浦將會再戰歐聯,相信京斯呢位英人係球隊入面將會有更多嘅表現!


reference: dailymail

留言


請按此登錄後留言。未成為會員? 立即註冊
    快捷鍵:←
    快捷鍵:→