【龍門終於生性】咁利物浦後衛,你又點呢?

利永遠不會毒行 於 24/04/2017 發表 收藏文章
注意:由於打緊呢篇文果陣,小妹睇緊利物浦對水晶宮live,所以下面會有小妹發火段落。

米奴列向傳媒表示佢好高興成位利物浦首席門將,特別係季初見到卡里奧斯加盟,大家都「期待」佢被取替,而家吐氣揚眉啦!呢位比利士門將承認佢係季初嘅時間真係好難過,正所謂what doesn’t kill you make you stronger,佢而家嘅表現相信球迷都會收貨。
佢係訪問入面咁同記者講:「我好高興當時(做後備)我有咁嘅反應,我低著頭,努力操練,證明俾球隊知自己做到啲咩。我會望住塊鏡,同自己講可以點樣再做好啲、集中去逆轉。」

「我唔會想再去諗返之前發生嘅事,過左去就過左去,我而家只需要做好自己。」米奴列表示,佢同利物浦都好渴望拎到歐聯一席位,更希望可以創造歷史。「如果我地係下季踢到歐聯,成個氣氛一定好高昂。大家係更衣室都係為左呢個目標而前進。」

米奴列係對史篤城同西布朗嘅比賽盡顯自己嘅才華。
https://www.youtube.com/watch?v=p5VhfkmTJbk
https://www.youtube.com/watch?v=flnvjYoFiYA佢認為贏波令到佢有種「真實感」,在佢而言,更指贏波比踢得重要。「從更衣室入面學到嘅野係,有時候點樣贏同點樣踢係兩回事。」

好啦,龍門有態啦,咁後衛呢?

小妹係鐘意路夫蘭呢type男人,但係…有時真係唔話唔得。打緊呢篇文嘅時候,利物浦輸緊俾水晶宮呀!而後防「功臣」一定係路夫蘭!佢有著有改變成場球賽能力嘅世界級球員,呢位賭搏性出腳嘅球員真係絕頂!

輸第一球果陣包越位加企錯位,
輸第二球賓迪基攝入去果陣,佢完住無打算拍埋去由佢攝,剩係望住個波,名付其實睇波。當然,呢球安利簡都傻傻地,追追下唔追,企左係度諗住費明奴搞得掂。溝通,又係溝通問題。
加上盧卡斯打中場中貧攻,呢個組合真係十個平安鐘都唔夠用。我地再睇返後備席,清一色後生仔, 最有經驗嘅已經係摩蘭奴,再換入亞諾同古積…係轉左陣式嘅,但無咩用囉~真係無人,真係無人換呀!嚴格黎講,今場利物浦係打少3個人-路夫蘭係踢緊對面隊、盧卡斯同安尼簡兩個加埋先等如一個人,即係水晶宮12vs9,成條右路打死法明奴同佳尼,真係睇到小妹心都痛埋。

而家利物浦都係領先曼聯同曼城分別3分同2分,但打多人地2場呀!形勢而家非常唔樂觀…咁搞法,米仔再神都無用啦?定係利物浦可以試下踢901呢?



留言


請按此登錄後留言。未成為會員? 立即註冊
  • 數據就是事實 於 24/04/2017 評論 NO. 1

    其實大Sam以往向來有神來之筆,今場只係為佢加多一筆而已....

  • Estyip 於 24/04/2017 評論 NO. 2

    防守角球分工同方針真係死症!比我感覺就係區域防守而唔係人釘人!

快捷鍵:←
快捷鍵:→