【高普17年同事】「石內卜助教」保域因私人理由缺席餘季賽事

利永遠不會毒行 於 30/04/2018 發表 收藏文章
利物浦助教,又被香港球迷叫做「石內卜」嘅保域(Zeljko Buvac),因為個人原因,將不會喺餘季賽事中出現。留意返,球會方面強調佢雖然暫時離開利物浦,但職位上仍然係擔任緊利物浦一隊助教(即係留職,但唔知係咪停薪)。
保域其實喺星期六利物浦對史篤城賽事上都在場,而利物浦官方亦話因為呢個係保域嘅私人理由,所以唔方便作出回應。雖然保域暫時會離開一段時間,但係利物浦將會保留佢係球會中嘅職位。

呢位塞爾維亞藉助教同高普早喺90年代頭喺緬恩斯一齊踢過波。退役後,佢哋2001年係舊球會緬恩斯重聚,保域答應協助高普去教波,成為球隊助教;由緬恩斯去到多蒙特,再去到利物浦,一做就做咗17年,高普仲曾讚揚過保域係佢團隊入面個腦。今次點解會係季尾突然有呢個舉動呢?
跟據英媒THE METRO指出,保域同高普已經無傾計一排架啦,就算係訓練入面都企得好開;喺比賽入面見到佢地同場,但根本上係零交流。而保域已經無份出席tactical meeting,亦無得揀player of the game。

究竟發生咗咩事?
(此情不再?)
今次保域嘅離開,對於利物浦黎講一定係一個打擊,特別喺就快踢歐聯四強次回合之前發生,軍心會唔會不穩呢?小妹真係唔知,但另外又有意大利媒體指安尼簡同祖雲達斯已達成其識,將會係完季後同JJ簽下5年長約;加上因被指喺對史篤城賽事上打人,沙拿又有機會被英格蘭足總停賽…
loading


做咩姐而家?星期一就咁多單突發BAD NEWS...

SOURCE: METRO, METRO(SALAH), JUVEFC (FANS PAGE)


留言


請按此登錄後留言。未成為會員? 立即註冊
  • wombat 於 01/05/2018 評論 NO. 1

    呢單新聞仲sad過有球員傷咗,甚至收league.
    唔怪得之近排啲比賽入咗波都唔見高普同佢有hehe動作

快捷鍵:←
快捷鍵:→