【經過一些秋與冬】主觀地回顧高普做錯過啲咩 精選

經過一些秋與冬，一開始永遠都係蜜月期，就正如開季開得好好一樣。去到季中，最近8場波都係贏得一場，呢個成績真係唔見得人。點解會搞成咁？係咪高普嘅錯？
1. 藉口

「就算是我不懂」

睇返一開始沈果陣，就係贏完曼城1：0（之前打錯）之後，抖兩日再對新特蘭。高普當時決定用返對曼城果班球員上陣（換左一個），相信當時有好多球迷都估佢唔到，而場上嘅球員點樣扮都好，都睇得出佢地係攰同埋慢。就係呢一場開始，球迷/球員都俾左個藉口自己，攰，所以打成咁；攰，因為賽程問題。藉口可以令自己過到本身輸果場個心理關口係好，但下場要有進步先得架…點知到左二月，個態仲同快車果陣差唔多，有時太多藉口只有寵壞自己。

2. 早知
「由從前早早知道這傷感結果…」

高普一早就知文尼會去踢非洲國家盃，但係佢就連一個後備方案都無。係傳理學上黎講，有預知而又唔去做準備就係一個failure。大家都估高普會唔會買人呢？消息一直傳一直講，但到左今日，都係無買過人。

無左文尼，高普嘅最後就要再試陣，試過用費明奴打右又打中，一時拍下史毒一時就奧歷治，最後但發現唔work，就決定將打緊中場嘅拉蘭拿拉佢上前，唔係唔得，但大家都知道佢打左中場係非常出色，中場無左佢，咪又瀨野－無晒創造力，無人踢返生個波。當文尼同古天奴回歸，拉蘭拿自然返回佢本身嘅位置，但問題又黎啦，咁佢又要再習慣啦喎，食開燒味飯突然要轉食粥你都唔慣啦。
即係就算買人，都係有傳高普都鐘意買踢緊世界不同聯賽，包括俄超、德甲等嘅後生仔，但係冬季轉會市場，大家都知道只有好少時間去俾新加盟球員慢慢訓練同熟識英超，所以買返一個熟識大球會踢法嘅球員會比較好， anyway，都無發生過，算啦。

3. 錯的人

「不願放棄這裡面一點點可能…」

承上題呀，中場無左拉蘭拿，安尼簡就自然責任大左，但突然被轉形為「偏進攻」中場嘅佢係最近幾場都0入球、0助攻。其實又唔可以怪佢，佢本身打開防守， 轉一轉位置係要適應。睇返之前幾場「未適應」嘅比賽，佢都係拍住軒達臣墮到好後，搞到利物浦節奏慢左，更容易俾人估到下一步點做。
講開就一定要講埋盧卡斯，出親佢都要㩒平安鐘。佢差唔多係全利物浦最慢嘅球員，打防中拍住左邊又唔係快嘅占士米拿…喂聽講利物浦打快速地面傳波架喎。

4. 太遲換人

「最心痛是，換得太遲」
高普係多蒙特果陣都已經有呢個問題，而係岩岩輸俾侯城嘅賽事上，摩蘭奴同奧歷治都係83分鐘先被換出，得返果7分鐘，高普expect佢地可以點樣影響到場波呢？ 而係聯賽盃第一回合輸俾傷咸頓果場都係分別係78分鐘同91分鐘換入史杜列治及奧歷治，而家幫佢地刷出場數據咩？
5.一顆不變的心

「對住901球隊仍然用高壓迫搶」

喂大佬人地都唔攻你你出個迫搶陣做咩喎？人地鐵筒咁多人，佢幾個都勁果d one two切入完全無用。Okay，唔緊要，照出都可以，但要有耐性，係兩邊猜波猜到佢散。 但球員急，特別見到車路士贏左阿仙奴之後就更急。
雖然，係季初利物浦都贏到901球隊架，果陣利物浦都會做好多怪腳大膽波，禁區頂三四腳one touch就拖走晒，而家做唔到呢啲野就不如變下陣，試下4-4-2或者4-5-1，起碼係禁區外可以做入去或者射下，而家就只有打邊切入，無個頂得但兩個閘又成日出波…

高壓迫搶係要靠士氣同體能去支撐住個form，而家場場都迫搶，唔單只球員攰，球迷都睇到心累了…
總結:踢波淨係靠熱情係無_用


完


參考：thisisanfield