【紀錄打破者】沙拿喺英超嘅大四喜究竟寫下啲咩紀錄?

利永遠不會毒行 於 21/03/2018 發表 收藏文章
沙拿係對屈福特嘅賽事上大四喜,相信過咗幾日,球迷亦然回味緊呀!而呢位埃及球員更加係英超神射手榜上,超越哈利簡尼,以28個入波升上第一位。而緊隨其後有24球入波嘅哈利簡尼就傷緊嘅…咦,咁沙拿係咪有機會…都係唔好燈,希望佢係黎緊嘅比賽會有更多入波!

而英國Press Association Sport 就為沙拿係今季嘅表現做咗個分析。
沙拿而家係英超入咗28球波,只要佢入多2球就會達到30球!而有同季有三十球或以上入波呢個紀錄亦只係喺英超出現過9次,分別圖中7位唔同嘅球員寫下,留意返,呢9次入面有3次係當年只係得22隊英超球隊,一季要踢42比賽嘅時代。

歌仔都有得唱,杜奧巴很想去捕捉他~沙拿只要喺英超入多球,即係由28球加一球變29球,就可以平到佢以非洲球員身份係英超創下嘅紀錄-2009/10果季,杜奧巴係英超為車路士入咗29個波。而佢自己個人亦創下首及埃及球員係英超上演帽子戲法以及大四喜嘅球員。

而沙拿係呢場入咗四球波後,就超越咗當年托利斯係利物浦嘅另一個紀錄-就係喺加盟後首季入得最多波嘅球員。當年2007/08年果季,托利斯係所有賽事共入咗33球波,而沙拿喺今年未完季就已經入咗36球波,已贏。
雖然沙拿入咗好多球波,但對屈福特果場係佢第一次係利物浦上演帽子戲法以及大四喜。而且成為第四個利物浦球員係一場英超球賽入面入到四球波。 係以前就曾經由科拿﹑奧雲以及最近年來就係2013年12月,蘇亞雷斯對住諾域治果陣寫下嘅。

好啦,睇返沙拿呢28個英超入波,有23球都係用左腳入,1個頭鎚以及3個右腳。總共有118球射門以及57球中龍,準確度約43%;比起哈利簡尼41%再要高多2%。

總結沙拿係今季已達成嘅紀錄-
1) 成為第五位利物浦球員係一場賽事中入面有個四入波
2) 寫下首季加盟球會的總入球數目新紀錄
3) 首名埃及球員係英超上演帽子戲法以及大四喜
4) 個人首次係一場波入面入四球


利物浦之後落黎嘅賽程會對住水晶宮﹑打吡對愛華頓﹑般尼矛夫妁及西布朗等等,其實都幾大獲,雖然而家對鐵桶陣稍有進步,但始終對住下游球隊都唔係咁十拿九穩。加上係四月頭歐聯有對住曼城嘅賽事,話就話車程果啲可以慳返啲時間抖下,但... 好似個氣氛唔同咗囉。

source: thisisanfield, premierleague

留言


請按此登錄後留言。未成為會員? 立即註冊
  • Borman Chan 於 22/03/2018 評論 NO. 1

    沙拿加油!😍😍😍

快捷鍵:←
快捷鍵:→