【永續失敗】高普對雲加決定退下來之感言

對於雲加將於完賽季後辭任阿仙奴領隊一職,利物浦領隊高普都有就此作出回應,佢對雲爺爺喺阿仙奴嘅付出表示欣賞、以及對雲加致敬!
教咗呢支倫敦球隊22年波,呢位曾帶領阿仙奴三季勇奪英超冠軍嘅法國領隊,係最近呢季成績就麻麻哋啦,但讀經濟學嘅雲爺爺多年黎為阿仙奴賺唔少錢,相信睇業績嘅老細都會好滿意,但可惜,爺爺教緊係一隊波,成績同業績一樣咁重要,球迷對於雲加嘅教法開始不滿,#WengerOut更一度成為熱門hashtag。
對於雲爺爺退下來,高普就話佢對球壇嘅影響力仍然存在。佢有一個美妙嘅職業生涯,佢性格突出鮮明,佢曾經培訓/帶起好多出色嘅球員。佢係一個世界級領隊,亦都係教練界嘅一個榜樣。

「佢係一個非常成功嘅教練,可能係過去數個月有啲人唔太滿意球隊嘅成績,但呢個情況係正常架。雲加對球隊發展有重大影響,包括買人等等,係90年代中期至00年代早期,佢都贏唔少波,亦到踢到好多場華麗嘅足球。」

「之前我係德國,雲加係我榜樣。雖然我去到英國之後個角色唔同咗,我嘅工作係要挑戰佢;但我欣賞雲加,佢嘅工作永遠都係咁出色。」
「無咗雲加嘅球壇一定會變得唔一樣。我唔清楚佢會留係阿仙奴參與其他工作定係去執教其他球會,但佢睇係黎仲狀態幾好,佢好享受過往幾年嘅工作所以都有呢個可能性。」

「我希望有機會可以同佢私下再次見面,親自同佢講祝佢祝一切順利。」
今年50歲嘅高普就話佢同利物浦張約就去到2022年,如果唔係因為健康問題,如無意外都會繼續留係利物浦。佢就講笑咁話啦,佢唔想死係教練席度喎,touchwood!如果未來佢要離開利物浦嘅話,佢要放返一年大假先咁話喎。

高普認為教一隊波22年係一件難得而又intense嘅事,但有邊份工唔辛苦呀?問到佢幾時會退落黎啦喎,佢就咁答。

「呢份係一份工作,我有人工收架嘛。但我唔想係我行唔到呀,朝頭早起身背痛、頸又痛果陣仲要過住工作緊張嘅生活。」

「如果有一日我唔再教波,我唔認為無人記得我係一個問題,呢個係我個夢想;我唔需要變得出名,而家嘅曝光率都係工作需要。」
小妹無記錯嘅話,高普曾經係之前嘅訪問講過佢出街總會搵人叫佢簽名呀合照而佢又拒絕唔到,佢自己就唔太享受呢樣野嘅。

高普係過去7年都係教練界度打拼,2015年離開多蒙特後本身打算抖返一年先再搵野做,點知利物浦嘅出現就改變咗佢嘅計劃。而佢亦提到球迷睇嘅係成績,而成績並唔係一朝一夕可以睇到,但高普認為呢個亦係工作嘅一部份,佢明呀!

「我很好,生活都無問題,我好健康。我係一個美妙嘅球會,我有一支出色嘅球隊。」

係呢度,小妹祝高普身體健康,雲爺爺前程錦繡!


source:liverpoolfcindependent
【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→