【曼城1:1利物浦】邊個最開心? 文字

賽前焦點:

1.名宿Mark Lawrenson就話,儘管路夫蘭岩岩傷癒,高普都應該俾佢復出,代替上場正選嘅卡拉雲踢正選。之不過,BBC嘅統計就有56%球迷就反對,因為佢對上一場路夫蘭為一隊上陣已經係1月31日,所以唔覺得佢會有態喎。

2. 今場亦係占士米拿第450場英超(其中17場英甲)比賽
一開波,兩邊都各有攻勢。但曼城後場迫搶好緊密,利物浦一過半場,9個球員都返晒後場做防守,三個迫一個費明奴。相反,利物浦後防都係差左啲,7個人係禁區都俾到Sane起腳。大家都係迫搶,但利物浦明顯被曼城反迫後亂左陣腳。

之不過利物浦都好多越位陷阱,開場15分鐘都令到曼城有5次越位。

26分鐘,大衛施華出波,要不是占士米拿快過史達寧衝前解圍…真係輸得!

39分鐘,迪布尼靚傳俾大衛施華,但史達寧錯失機會,占士米拿成功雙腳飛剷史達寧,最後費蘭天奴再補腳勾左個波去網側。公平啲講,係卡拉雲同占士米拿都有犯規嫌疑下曼城錯失機會。

上半場下段,曼城體力下跌,利物浦多左好多攻勢,文尼同費明奴都分別有射門。
41分鐘,拉蘭拿右禁區外食糊位起腳,中龍架,不過被救到。

下半場50分鐘,基歷治禁區失位踢跌費明奴,十!二!碼!占士米拿主射,當然入左啦!100%命中率!
入左波之後,利物浦信心返晒黎。但利物浦出名咩?海鮮嘛!呢個時候又點少得平安鐘呢?
60分鐘,古天奴借文尼過橋,望住文尼傳俾費明奴,一個完美嘅no look pass,可惜費明奴單刀唔入。

69分鐘,迪布尼一攞到波即出,卡拉雲慢左少少,阿古路入波。1:1

75分鐘,門前阿古路跣腳,迪布尼中柱。今次唔輸真係好命…
落完雨,好跣。
80分鐘,拉蘭拿…費明奴禁區「的」個波俾拉蘭拿,龍門前拉蘭拿大撻(定踢空氣?)就係有踢中個波都踢到咁先神奇…有傳就話佢以為係越位,不過點都好,大好機會就錯失左。

之後嘅時間,真係大家都派下膠咁,阿古路飛機、費明奴無水準嘅射門等等。

總括而言,後防有馬迪普係安心啲,米奴列今場表現都不過不失,占士米拿係俾主場球迷「嘘」下都保持水準,算係咁啦,只係卡拉雲比較怯,多數都大腳清咁~相信球迷對今日嘅後防都收貨啦;之不過中場線韋拿度姆間唔中失位兼比起平時隱形,但今場偏向防守嘅佢係尾段都有球靚助攻俾費明奴。安尼簡算係今場最佳球員,又搏(食左Yaya穿心腿)又勤力,傳失走失波都會追返返黎,唉,突然發現無左軒達臣條中場線…。古天奴同上場一樣仍然係比較靜,古一招都失效,前場…踢文尼一個咁,有段時間,小妹以為利物浦踢緊單前鋒,但最燥嘅係…真係唔話費明奴唔得!你練下射波好無?

曼城防反做得唔差,佢地快而準既撞牆,技術性避開左利物浦嘅迫搶。打和對兩隊都無好處,但打和亦係合理嘅。呢樣波係亂定係精采,相信只係一線之差,兩隊都唔知係龍門前做緊咩…相信如果大家把握力好啲,踢到5:5都不是夢。

最後,唔好意思,曼城拎唔到強隊認證。
但係最開心會係邊個?

曼聯開心啦
車路士開心啦
熱刺開心啦


唔通係佢地咩?


小妹唔開心啦!


留言

會員
我要評論
請按此登錄後留言。未成為會員? 立即註冊
  • 數據就是事實
    數據就是事實 於 20/03/2017 評論 NO. 1

    阿記處境不利,當然阿記最開心,曼聯開心,而曼聯經常打少兩場,實質上有優勢,也是實際上的前4,車路士已經唔會理,只需做好自己,而熱刺開心,你們和,佢更安心(雖然實質非常可能根本不放3-6名在眼內),最不利,係利物浦,打多場,而與阿記理論上同分(曼聯理論上排第3),可以說,此場曼城利和,將可能令兩隊齊齊成為前4之爭的失敗者!!!(真心當前4之王云加係流既???)

  • OhMyGirl_Arin
    OhMyGirl_Arin 於 20/03/2017 評論 NO. 2

    希望雲加可以上返第4

  • 黎俊愉
    黎俊愉 於 20/03/2017 評論 NO. 3

    3:3 啦屌

  • Ting Liu
    Ting Liu 於 20/03/2017 評論 NO. 4

    49000

  • Chi Lik Chui
    Chi Lik Chui 於 20/03/2017 評論 NO. 5

    我覺得 爭第5名 同第6名 最刺激 唔知邊兩對最幸運呢

  • WayMan Wong
    WayMan Wong 於 20/03/2017 評論 NO. 6

    大莊最開心

  • Chi Yeung
    Chi Yeung 於 20/03/2017 評論 NO. 7

    Perfect for manu fans

  • Theseus Yiu
    Theseus Yiu 於 20/03/2017 評論 NO. 8

    買和既最開心

  • Sunny Jaii
    Sunny Jaii 於 20/03/2017 評論 NO. 9

    曼 最開心

  • William Leung
    William Leung 於 20/03/2017 評論 NO. 10

    前六有一半失分,曼聯歐聯有望!

  • wahdee1115
    wahdee1115 於 20/03/2017 評論 NO. 11

    利記對強隊真係好勁,係衰在太海鮮。數據就是事實太幫曼聯,我也是曼迷 。但都覺曼聯5/6名過終點。除非4月對愛華頓同車仔打出身價波。如果唔係 ,專心搶盃仔歐霸最實際

  • Dan Lau
    Dan Lau 於 20/03/2017 評論 NO. 12

    有睇就知佢2條L樣下盤索哂

  • Chris Chan
    Chris Chan 於 20/03/2017 評論 NO. 13

    有睇場波 成場占士米拿一攞波曼城迷就噓 好無品 又係曼城自己唔同人續約放走人 而且佢係曼城都好有貢獻 咁對一個球員好衰囉😟

  • Law Man Chung
    Law Man Chung 於 20/03/2017 評論 NO. 14

    曼聯

  • Carson Cheng
    Carson Cheng 於 20/03/2017 評論 NO. 15

    車仔最開心 拉開熱刺10分 拉曼城12 利物浦13分 捧左大半隻杯走

  • OhMyGirl_Arin
    OhMyGirl_Arin 於 20/03/2017 評論 NO. 16

    其實車仔都唔差在個2分 10分同12分都差唔遠 最開心一定係曼聯

  • Ho Ho So
    Ho Ho So 於 20/03/2017 評論 NO. 17

    紅軍今季對前列球隊係咪未輸過?

  • hykc
    hykc 於 21/03/2017 評論 NO. 18

    一定係曼聯,攞3分都咁難,你地唔失分曼點上黎

快捷鍵:←
快捷鍵:→