【好消息】古天奴 : 我100% 回復狀態了 文字

古天奴因groin injury(腹股溝受傷),缺陣利物浦三場賽事-分別係對哈德斯菲爾德,馬里博爾以及韋斯咸嘅賽事。而係國際週古天奴亦隨巴西國家隊,作客去到係星期五對日本以及黎緊星期三晚對英格蘭嘅友誼賽。呢名25歲嘅球員話就話有傷,但睇怕都好得七七八八啦。係巴西國家隊嘅操練中,古天奴係踢足全場。
係星期三英格蘭對巴西嘅賽事上,估計古天奴會正選上陣,係英超踢咗4年幾波,都算做熟識對手呀。而英格蘭方面,礙於利物浦嘅拉蘭拿,軒達臣,佳尼都受傷,大家都唔會見到佢地同古天奴同場但敵對架啦。但係英格蘭入面,利物浦仍然有祖高美斯以及新被召入國家隊嘅蘇蘭基頂住。

係國際賽後,即係係11月18日,利物浦將會係英超主場迎戰修咸頓。古天奴係訪問中咁講到:

「之前唔好彩,我因傷踢唔到利物浦之前三場賽事。」

「但而家我100% 回復狀態,好返晒,準備好對英格蘭嘅友賽啦。」

「我從來都唔想缺席任何一場國家隊賽事,我好榮幸可以著起巴西國家隊波衫。」

「英格蘭將會係迪堤執教後,我哋(巴國國家隊)首場歐洲對手,我對於呢場波非常期待。」

「英格蘭隊入面有好多踢緊頂級聯賽嘅球員,唔洗問都知佢地唔係咁易對付。」
古天奴會唔會留係利物浦呢?有傳巴塞一月會再次向利物浦問價。古天奴係訪問中亦提到自己非常感恩可以踢到英超。

「每一日,我都好努力咁去令自己進步,希望可以成為一名全方位球員。」

「多謝足球,令到我今日可以係英國生活;多謝足球,我可以養妻活兒。足球對我黎講係有幾咁大嘅意義…」

「我好滿意現在嘅生活,但呢個時間要專注係國家隊賽事先。」

古天奴自夏季轉會風波後並無受到高普雪藏,並係9場波入面射入4球以及3個助攻。佢亦無跡象睇到佢不滿利物浦以及高普,每場比賽都出盡全力踢。但睇到利物浦踢到差唔多季中嘅成績,加上已經係歐聯為利物浦上過陣,佢仲會唔會想去巴塞呢?有西班牙媒體指出,巴塞將於一月以向利物浦問價,呢個價比起夏季轉會市場時第三口嗌價£114.2m低。
而前利物浦球員蘇亞雷斯就係訪問中提到,非常欣賞古天奴對利物浦嘅承諾,亦同事證明佢係一位專業嘅球員。

「古天奴經過咗一段好艱難嘅時期,但身為一位專業球員,以及對足球嘅熱誠,我哋睇到佢高尚嘅詣藝。」

「雖然佢想離開球隊唔成功,但佢仍然全心全意為利物浦上陣。」

古天奴係曾經好想加盟巴塞隆拿,如果唔係都唔會提出轉會要求,但係去巴塞踢波不嬲都係南美球員嘅夢想。古天奴仍然係華維迪嘅頭號目標,而巴塞資深球員亦贊同買入呢位咁具創意力嘅中場球員。但對於£106 m呢個數目,除咗叫價比之前低咗之外,利物浦亦唔似會係一月放人走。

source:thisisanfield, RTE,Sport.es

留言

會員
我要評論
請按此登錄後留言。未成為會員? 立即註冊
  • Thompson  Ho
    Thompson Ho 於 13/11/2017 評論 NO. 1

    巴塞等緊你

  • Shiuhung Ho
    Shiuhung Ho 於 13/11/2017 評論 NO. 2

    一百巴仙回復狀態,但一月會走😃

  • Kevin Lo
    Kevin Lo 於 13/11/2017 評論 NO. 3

    準備一月幫巴塞爭冠

  • Angus Wong
    Angus Wong 於 13/11/2017 評論 NO. 4

    Kelvin Wong j lah

  • Ho TszKit
    Ho TszKit 於 13/11/2017 評論 NO. 5

    講比巴塞聽

  • Samuel Chan
    Samuel Chan 於 13/11/2017 評論 NO. 6

    佢啲隊友乜野%狀態呀?

  • William Lo
    William Lo 於 14/11/2017 評論 NO. 7

    巴塞雖然上次交易係好衰
    不過今次睇落真係幾有誠意

快捷鍵:←
快捷鍵:→