【啖氣問題】想買般尼人但曼聯都有收入？ 精選

最近，有傳利物浦對般尼後衛米高堅尼有興趣。講下呢名24歲嘅英人背景先，話說佢曾經代表過愛爾蘭U17、以及英格蘭U20及U21上陣，最近更成為英格蘭國家隊一隊成員，賽前獲荷杜親自拎件球衣去更衣室俾佢。
堅尼就係曼切斯特出世嘅，好理所當然成為曼聯青訓，係2011年，佢18歲生日果一日，佢就正式簽左俾曼聯。而係2012年起，佢都都斷斷績績為曼聯正選上陣，係2012年聯賽盃對完紐卡素果場，隊友費查更力讚佢表現超卓。

堅尼係2012年更贏左the Denzil Haroun Reserve Player of the Year，以60％高票獲得呢個名銜，當年連加特都係得24％票咋…而當年嘅佢27場Reserve team比賽都全部有上陣，更令Reserve team贏得Reserve League North同埋National play-off final 。
2012年11月，佢被借到李斯特城去到2013年季尾。佢出色嘅表現得到打比郡、米杜士堡等球隊欣賞，最後佢選擇被借到打比群，而2014年1月，佢就返左去曼聯啦，同年三月，佢又再被借去英冠布力般流踢埋該剩餘賽季。之後佢再返去曼聯，返左去之後都為母隊上過陣嘅，不過好快，係2014年尾又被借到般尼。真係patpat都未坐定就周圍去…話說係2015年1月8日，曼聯賣斷左佢俾般尼 。 米高堅尼由勁旅被賣到下游球隊，佢就表示沒有後悔離開曼聯︰「當初我只想外借沒打算永久轉會，只想藉著般尼在英超比賽爭取雲高爾（當時曼聯領隊）認同，但始終未能打動他，便惟有決定永久轉會，現在我很開心作此決定，轉會對我是最好的。（from Goal.com)」講到咁，都岩嘅，佢終於有個地方定落黎啦！

堅尼係般尼踢得唔錯，頭2015/16英冠球季第一個月已經有入波，成季共入左5球，對於一個後衛／中堅黎講，唔差啦，而出色嘅防守更令般尼成功回歸英超。而係岩岩上返英超嘅球季，佢更獲得 PFA Young Player of the Year award 提名！
睇下佢球皇片先
https://www.youtube.com/watch?v=IGkgvRHkZLE
佢位置感優越，閱讀比賽的能力一流，加上188cm嘅身高令到佢有唔錯嘅制空能力。呢樣野對利物浦好重要，利物浦一向係制空上比較輸蝕，睇返季中成日輸兩邊高空波呀角球就知咩事。再睇返三月果陣佢代表英格蘭國家隊友賽對德國，第一場上陣都踢得幾穩，無乜點怯場。
係出色嘅，而呢位人兄都有人爭架，曼聯名宿里奧就曾經講過佢應該返去曼聯，成為第二個普巴。而米高堅尼嘅市場價據報係£30m，但如果高普真係買佢嘅話，利物浦管理層啖氣可能會chok下chok下，點解呢？因為呢筆錢當中，有25％會直接成為曼聯收入（因為當年18歲同曼聯簽約條款），所以如果最終定價係£30m，即係話當中利物浦所俾嘅 £7.5m會間接拎左去資助曼聯係夏季轉會市場買人，特別促成基沙文簽去奧脫福一事呀。

講到尾，咪又係錢作怪。