【友誼賽】燦美爾對利物浦有咩睇?

利永遠不會毒行 於 12/07/2017 發表 收藏文章
利物浦將會於英國時間星期三晚上(香港時間星期四0245)踢第一場季前友誼賽,會作客隔離市嘅燦美爾流浪足球會。

其實利物浦之前都對過呢隊係上季全國聯賽(即係乙組再落一級)亞軍嘅球隊。係上年季前友誼賽,利物浦以1:0小勝對方。而入波果位就係京斯啦!係果場波,上半場主要都係一隊球員加當時新買嘅文尼、卡里奧斯以及馬迪普,係半場,高普亦係半場換晒成隊,由京斯做隊長,變成青訓主力,係同阿歷山大阿諾嘅合作下,果陣傷癒復出嘅京斯係56分鐘射入奠定勝局嘅一球。
https://www.youtube.com/watch?v=sABNyR2XMAc

其實而家呢,就只係差安尼簡未歸隊姐,米奴列、 路夫蘭、卡拉雲、韋拿度姆、奧歷治同埋古積等係首日操練都未有人影嘅球員都係上星期六返左利物浦啦!但因為沙拿嘅工作簽證未搞好,所以預計佢唔會係友賽上陣。

古天奴同拉蘭拿就獲批放多幾日暑假到星期二(尋日),所以估計都唔會出現架啦!仲有上季傷左嘅文尼同京斯預計會慢慢跟返操,踢比賽咁chur就暫時唔好預佢地住啦。

loading
返黎啦!


好似之前所講,今場京斯唔會上陣啦,咁睇下預計名單有:

龍門:米奴列、卡里奧斯、和特

後衛:馬迪普、路夫蘭、卡拉雲、高美斯、阿諾、法拿根、蘭德爾、占士米拿、摩蘭奴

中場:軒達臣、路卡斯、韋拿度姆、古積、伊查尼亞(Ejaria)、捷利維拿、史超活

前鋒:奧祖、哈利韋遜、活般(木燒)、費明奴、史杜列治、奧歷治、蘇蘭基

無錯,今場係好大機會有蘇蘭基!仲有好多球員睇!
跟據過往嘅經驗,相信高普上半場都係會試下用新簽球員,即係大家好大機會見到蘇蘭基係呢場以正選上陣~留意返,其實蘇蘭基係英格蘭U20國家隊同伊查尼亞加奧祖合作過架,唔知高普會唔會俾佢地一齊上場呢?!
呢名19歲球員現時同緊一隊一齊訓練,高普亦係簽約時提到會俾機會佢擔任正選,但同時有報導指出,高普要佢踢刮物浦U23先…即係咁講啦,佢雖然係U20嘅MVP,再好嘅球技都差在經驗同默奏,所以佢嘅加盟對巴西孖寶古天奴費明奴影響不大。係陣容入面,相信對奧歷治威脅最大…而高普都係訪問中亦提到,其餘球員都係出得就出。今場我地可以睇下兩位球員嘅表現啦!

今次亦係俾高普試下用新仔嘅好機會,當年好大機會阿諾都係呢場得到高普嘅注意!


官方播放:LFCTV GO


留言


請按此登錄後留言。未成為會員? 立即註冊
    快捷鍵:←
    快捷鍵:→