【分析】歐洲紅魔-比利時文字

世界足球 於 21/08/2013 發表
自2002年晌韓國同日本舉行嘅世界盃8強賽事中被巴西淘汰後,比利時實力開始走下坡,2004年、2008年歐洲國家盃同2006年世界盃外圍賽、2010年世界盃外圍賽都相繼失敗。
但近幾年來,比利時足球突然湧現大量明日之星,其中好多已經係球星,其中部分人已經具有成為巨星潛質。就好似車路士嘅夏薩特、盧卡古、迪布尼、曼城嘅高柏尼、熱刺嘅華湯根、阿仙奴嘅華美倫、愛華頓嘅費蘭尼、辛尼特嘅韋素在內嘅等等一大批後生而又有極大潛力嘅球員。
但點解都係晌大賽都係踢得唔好嫁呢???

睇返近年晌國家隊比賽踢得好嘅,好似西班牙、德國、意大利等等嘅球隊,都是以一個球會為班底的,換句話講,姐係嗰個國家隊部分甚至大部分主力都效力同一間球會,然後其他位置上就用其他球會嘅優秀球員,咁樣嘅國家隊成員踢法、戰術就會好熟悉,先至會有凝聚力,例如:以巴塞為班底嘅西班牙(再加上皇馬幾個球員)、以拜仁為班底嘅德國(加上多蒙特幾名球員)、以祖雲達斯為班底嘅意大利。
依家嘅比利時的確星光熠熠,但無奈好少有幾個球員效力晌同一間球會,而每年可以一齊晌國家隊訓練嘅時間有限,自然就唔夠其他國家踢,所以先會出現無冠軍、大賽成績唔好嘅情況,當然呢個係主要原因,還有一啲次要原因,例如無世界級球星都係有一部分原因。
目前比利時晌2014年世界盃外圍賽中,比利時晌分組賽踢左7場,六勝一和,暫時排晌第一位,如果唔係有咩大事發生,例如傷兵如潮等等嘅事,相信比利時應該可以直接殺入世界盃決賽週!希望巴西世界盃可以見到比利時會拎到一個好成績啦!
最後送上比利時現時主力大軍:
門將:高圖爾斯(車路士)、米勞列(利物浦)
後衛:華美倫(阿仙奴)、艾達韋列特(阿積士)、高柏尼(曼城)、華湯根(熱刺)、雲布廷(拜仁)
中場:迪布尼(車路士)、夏薩特(車路士)、米拉拿斯(愛華頓)、費蘭尼(愛華頓)、韋素(辛尼特)、迪科(波圖)、迪比利(熱刺)
前鋒:盧卡古(車路士)、賓迪基(阿士東維拉)
標籤: 比利時  
會員
我要評論
請按此登錄後留言。未成為會員? 立即註冊
  • Maywong Lam
    Maywong Lam 於 21/08/2013 評論 NO. 1

    淨係睇D人係咩球隊都嚇死人

快捷鍵:←
快捷鍵:→