杜帥揚言下場卡路爾倒戈紐卡素會好過癮

利物浦 - Liverpool 於 30/03/2012 發表 收藏文章
卡路爾近期接受採訪就話,表示會感到緊張,杜格利殊在出席賽前新聞發佈會都有講左呢個話題,佢希望安祖卡路爾可以係呢場倒戈之戰中有決定比賽勝負既關鍵演出!


安祖卡路爾係紐卡素青訓培養既球員,佢17歲就係紐卡素「破處」。今個星期日作客紐卡素既比賽將會係佢去年1月轉投利物浦之後首次回到聖占士公園比賽。對於安祖卡路爾話可能會感到緊張,杜格利殊就話,緊張會對安祖卡路爾有好處,另外,安歷基今仗都會倒戈紐卡素!

講到倒戈相向既安祖卡路爾感到緊張既時候,杜格利殊就講笑話:「如果係你咁唔緊張,咁你肯定有D問題啦!緊張比無感覺好,我唔認為有任何人係面對給予自己成為職業球員機會既球會時會完全無感覺囉!對佢同安歷基黎講,呢場波一定好過癮!!」

其實杜格利殊都同樣曾經執教紐卡素,1997-98年,佢曾係「喜鵲」執教20個月,今季,紐卡素成為英超既超級大黑馬,他們目前的排名甚至在利物浦之上!

「其實我都唔係第一次面對老東家啦!」杜格利殊話,「我效力過既每一家球會我都很好享受,紐卡素都一樣。呢個係一座偉大既城市,佢地會為他們閎足球球會而自豪。今季帕杜取得夢幻成績,佢帶領球隊拎到目前呢個好既成績。我好期待重返紐卡素。」


(完)

留言


請按此登錄後留言。未成為會員? 立即註冊
    快捷鍵:←
    快捷鍵:→