利物浦今季戰績令人失望!杜帥:傷患和疲勞引致

利物浦 - Liverpool 於 26/03/2012 發表 收藏文章
最近利物浦既戰績真係非常令人失望,上周末不敵護級球隊韋根之後,近6場英超賽事輸足5場,其中4場係對中下遊球隊,作為利物浦編輯既我見到利記近況真係心都痛埋。不過最近杜格利殊就為最近既戰績差而解畫。




杜格利殊話:「最近利物浦戰績咁差,其實係球員頻繁既傷患同過於密集既賽程,令紅軍本季成績不佳,雖然如此,但我唔會為球隊戰績不佳而搵藉口。」睇返最近既賽程,其實利記既賽程又真係幾密集。近六日踢左三場賽事,其中二場係英超,一場足總杯。基本上,排名第七既利物浦已經落後第四既熱刺13分,以近況黎睇,其實參加來季歐聯已經無咩希望。

(上場利物浦主場1-2不敵韋根)


杜帥解釋:「如果唔係係傷患頻繁,以及球員太過疲憊,我們既情況會好很多,但我地必須面對呢D問題,有時場上既球員真係有心無力.......。」咁又係既,睇返上場對昆士柏流浪,領先兩球下俾人三球反勝,其實根據杜帥所解釋,見到球場上既球員真係累累地咁,都情有可源既。「其實睇返每場比賽,我地都可以為自己表現不佳搵到適當既理由,但我地唔想搵藉口。包括加歷查同謝拉特在內,好多球員過去6日都踢左3場比賽,特別係中間果場我地仲係客場作戰。你想成功就要付出代價,如果我地想取得成功,就必須處理好呢D問題。」杜格利殊話。


作為利記Fans,今年既戰績真係唔收貨,由其是對下遊球隊頻頻失分,呢樣真係最接受唔到。其實今季利記既目標得返足總杯,希望杜師搞好今季既問題,去到新一季俾到我地希望勒!

(完)

留言


請按此登錄後留言。未成為會員? 立即註冊
    快捷鍵:←
    快捷鍵:→