[歐國盃消息] 卡路爾將會取代朗尼擔正三獅軍團？ 精選

　　歐國杯話咁快就仲有十幾日開始，最近三獅軍團備戰歐國杯新聞多囉囉，《衛報》就傳出臨危受命既鶴臣將會係分組賽用卡路爾取代朗尼。媒體同時都認為鶴臣將會採取4-2-3-1既陣型，卡路爾打最前，實行傳統英式打法？
　　其實媒體最近已經開始減少批評，而且鼓勵呢位35M先生可以幫助三獅軍團為國家建功，對於卡路爾第一次入選國家隊打大型賽事，國家隊隊友尼史葛就有野講：「其實好高興睇到媒體開始鼓勵安祖卡路爾，毫無疑問，過去幾周既表現佢都配得上有咁既讚賞。呢個球季佢有一個唔錯既結尾，我相信佢會向我地展現出真正既安祖卡路爾！」梗係啦！希望卡路爾係歐國杯可以帶俾我地有眼前一亮既表現啦！