打後備有咩好做?識嘆一定係咁嘆!

球.不著地 於 21/02/2017 發表 收藏文章
阿仙奴對瑟頓聯嘅足總盃,雖然阿仙奴以2-0淘汰瑟頓聯,但瑟頓聯一樣吸引不少眼球,皆因陣中有一名46歲,重達260磅嘅大肥佬守門員。

呢場比賽,未開打前已話題十足,除咗因為瑟頓聯本身故事熱血吸引外,陣中身兼球隊龍門教練嘅大肥佬「門神」韋尼梳爾都是焦點所在,賽前更有消息傳出,因為瑟頓聯正選守門員路斯禾拿有傷在身,梳爾有機會對阿仙奴時上陣,可惜最後我哋都係無福份見到梳爾嘅「露腩撲救」!

不過唔緊要,梳爾雖然做咗喺後備席,但依然好識得搶鏡。比賽進行期間,梳爾同一眾後備球員都睇得好肉緊,直至去到比賽後後,梳爾似乎頂唔順,肚仔開始打鼓,於是佢就喺後備席攞起個批,大啖大啖咁咬。當時BBC解說仲搞笑咁講,如果雲加係佢教練會點,我諗雲加咁注重球員飲食,見到有球員喺後備席食咁大個批一定發癲都似!
https://www.youtube.com/watch?v=yrN-ZhjNfTMhttps://www.youtube.com/watch?v=3VWauT0qNtYhttps://www.youtube.com/watch?v=CDj_hNOaUls

瑟頓聯最終輸波,但係梳爾就好受球迷歡迎,有唔少小朋友都走去同佢影相,風頭仲勁過大球星!


留言


請按此登錄後留言。未成為會員? 立即註冊
快捷鍵:←
快捷鍵:→