最後一位球王 - 朗拿甸奴

瘦哨波經 於 20/01/2018 發表 收藏文章
永遠都笑容滿面,快樂足球的代表人物 - 朗拿甸奴,於今年一月十七日透過經理人(哥哥)向外界宣佈正式退役,結束長達十七年的職業足球員生涯,往後將會從事公益活動,擔任足球大使,以及跟朋友進軍音樂界。

世界上懂得各種足球花式的人成千上萬,但能夠在激烈的比賽中揮灑自如,相信朗拿甸奴是近二十年裡其中一位最出色的球場魔術師。

下盤穩重,腰力十足,就算背身受到對手壓迫下仍能保持平衡控球,甚至運用背部借力頂住對手順勢控定皮球;個人花式層出不窮,能夠使用令人眼花繚亂的假動作之餘又能成功避開對手;一招經典的牛尾巴引來全球足球小將仿效(大哨朗拿度當年也曾經使用過);助跑不多但角度和力度恰到好處的招牌式自由球(網角,地波);跟隊友心有靈犀的no look pass;慶祝入球和勝利時笑容滿面... 有關朗拿甸奴的精彩片段,相信各位都可以在網絡世界隨處找到,在此不作詳細介紹。

朗拿甸奴最令球迷,甚至對手拜服的地方除了球品和人緣極佳之外,當然還有意想不到的過人技巧,就算防守球員明知到細哨將會進行突破,也不能搶走其腳下球,有些更慘被連過兩次。

巴塞復興關鍵

巴塞隆拿自夢一後經歷過朗拿度和李華度的森巴風潮(當然還有雲高爾的橙色革命),可惜之後被死敵皇家馬德里的光芒掩蓋,加上超級拉科,以及反擊速度冠絕歐洲的華倫西亞,令巴塞隆拿沉寂了數個球季,直至2003年夏天朗拿甸奴的到來才扭轉局面。


由甘美奧到巴黎聖日耳門,加上2002年世界盃的精彩表現,朗拿甸奴在當時已經是一位令人期待的球星。巴塞隆拿當時由拉樸達擔任主席,列卡特成為領隊,但03/04球季開局不順,朗拿甸奴尚在適應新環境和受到斷斷續續的傷患影響表現,聖誕過後球隊只排聯賽榜第9位,逐漸傳出列卡特落台之聲,細哨亦受到質疑。但球隊於2004年開始發力,當中作客班拿貝一役更顯示出朗拿甸奴的非凡創造力:在接應沙維的橫傳後,於禁區偏左位置一記恰到好處的拋物線傳球,皮球穿越整條防線,而同樣閱讀球賽能力超強的沙維適時走入禁區配合,快卡斯拿斯一步起虎尾腳射入,球隊於該季亦奪得聯賽亞軍。朗拿甸奴在下半季傑出的表現贏得了球會和隊友的信任,領隊列卡特更圍繞細哨建立進攻體系,逐漸成為巴塞復興的核心。

而其後兩季(04/05-05/06)是朗拿甸奴職業生涯最顛峰時期,前場跟伊度奧,古利配合得如魚得水,左邊45度角轉向到右邊給古利加速落底,然後傳中給伊度奧快步射入,成為球隊的入球方程式;於中路跟迪高,沙維,恩尼斯達之間的第一時間傳接配合;又在左邊邊線跟默契十足的左閘雲邦賀斯配合,利用後腳傳給後者作疊瓦式助攻。


朗拿甸奴在這兩個球季的精彩場面何其多,若要細數當中最經典的,必定是04/05球季歐聯16強作客史丹福橋之役,細哨在禁區頂娥眉月位置面對著當時歐洲其中一名最佳中堅卡華奴,加上身後有林伯特回防正準備出腳攔截,但細哨卻不慌不忙,擺動兩下蛇腰後右腳一篤,皮球帶點外西彎向柱邊入網,連當時歐洲最佳門將施治亦只能目定口呆,原地踏步目送皮球入網,朗拿甸奴亦憑著在夢二的精湛演出順利奪得金球獎和世界足球先生。

伴隨國家隊輝煌年代

1999年美洲國家盃分組賽對委內瑞拉的個人表演金球

2002年世界盃8強對英格蘭的超級笠射

跟朗拿度,李華度聯同超級翼衛卡富,卡路士以及中堅盧斯奧合力為巴西奪得第5屆世界盃

2006年世界盃又跟大哨,阿祖安奴,卡卡組成四大天王(還有羅賓奴),可惜功敗垂成,從此由高峰滑落,細哨伴隨著國家隊在千禧年初的黃金陣容下成長,3R更成為世界盃其中一個經典組合。

2006年世界盃後,細哨的爆發力下降,競技狀態逐漸下滑,聯賽被皇馬連續兩季奪冠,適逢美斯橫空降世,加上跟哥迪奧拿的戰術理念有出入,細哨於2008年轉投AC米蘭。

大師級風範

來到講求貼身防守,戰術味道濃厚的意大利,已走下坡的細哨發揮空間不大,反而更多時表演原地連番過人技巧,論技術細緻度甚至比在西甲時提升不少。

2011年回到巴西後先後效力過法林明高,明尼路,中途到過墨西哥,最後在2015年9月代表富明尼斯出戰戈亞斯後便再沒有正式比賽過。


在職業生涯末期回到巴西,細哨終於鬆一口氣,可以在比賽中享受足球,在陣地戰中賣弄腳法的機會和時間更多,射術亦比以往更講究(特別是處理自由球),腳下功夫已達大師級。

場外巨大影響力

球場外熱衷公益活動,把快樂足球帶到世界每一個角落,商業上跟Nike合作的Joga Bonito系列廣告大受歡迎,而當中最引人關注的必定是2005年在魯營球場內,朗拿甸奴穿上由Nike提供的新球靴,由左邊禁區線開始挑球,然後到禁區頂時射向門楣,連續重複4次,更全程球不著地,最後挑球回到左邊禁區。這廣告令全球球迷歎為觀止之餘,亦引起外界懷疑製作公司利用電腦特技造假,但無論如何,細哨和Nike都取得成功,更成為Youtube史上首段達到一百萬點擊率的影片!

朗拿甸奴對於講求整體壓迫性踢法的千禧年代來說是劃時代的,歷史上極少數球員能夠做到真真正正的人球合一,既花巧又實用的個人技巧,與生俱來的球感,身體和雙腳柔軟度十足,對球賽擁有超強的洞察力,又能透過自身感染力帶動隊友。此外,在人馬沓雜的禁區位置從容不迫,單對單時總有令人意想不到的突破招式,細哨總是快樂地享受足球,笑容滿面,球王風範不自覺地從身上散發出來。

最後一位球王 - 朗拿甸奴,當之無愧。
【世界盃 ng sick ball 街訪 — 第三集】

留言

會員
我要評論
請按此登錄後留言。未成為會員? 立即註冊
  • Smartie Chan
    Smartie Chan 於 20/01/2018 評論 NO. 1

    最經典為班拿貝皇馬球迷對其起身拍掌

  • Leong Kai Chio
    Leong Kai Chio 於 21/01/2018 評論 NO. 2

    快樂足球

  • Lok Man Pan
    Lok Man Pan 於 21/01/2018 評論 NO. 3

    😢又一個勁人掛靴

  • Li DiDa
    Li DiDa 於 21/01/2018 評論 NO. 4

    坦白講尼馬 古天奴差幾班

  • Wong Ho Tung
    Wong Ho Tung 於 21/01/2018 評論 NO. 5

    前面加返「巴西」會好d

  • Leo Wong Man Leong
    Leo Wong Man Leong 於 21/01/2018 評論 NO. 6

    Jack Leung

  • Man Chun Tai
    Man Chun Tai 於 21/01/2018 評論 NO. 7

    細哨可否不要老🤦🏻‍♂️

  • Chan Chu Him
    Chan Chu Him 於 21/01/2018 評論 NO. 8

    牛尾巴應該係大哨用先囉

  • Kelvin Lam
    Kelvin Lam 於 21/01/2018 評論 NO. 9

    美斯接棒

  • Ching Tau
    Ching Tau 於 21/01/2018 評論 NO. 10

    唔駛怕,今時今日啲工廠式訓練應該以後都唔會睇得返

  • Yau Tony
    Yau Tony 於 21/01/2018 評論 NO. 11

    純盤扭計細哨係第一

  • Alex Wong
    Alex Wong 於 21/01/2018 評論 NO. 12

    Kin YipWing Chung SuenMichael Hui

  • Lala Cheung
    Lala Cheung 於 21/01/2018 評論 NO. 13

    no look pass, 背脊交波...笠死施文...成日都有驚喜比到觀眾。

  • Chi Hongb
    Chi Hongb 於 21/01/2018 評論 NO. 14

    懷念十年的的足球

  • Johnathan Shek
    Johnathan Shek 於 21/01/2018 評論 NO. 15

    睇唔番了

  • Mario Ho
    Mario Ho 於 21/01/2018 評論 NO. 16

    美斯係細哨接班人

  • Hubert Wong
    Hubert Wong 於 21/01/2018 評論 NO. 17

    傑志諗諗佢吖~

  • Sou Chi Kit
    Sou Chi Kit 於 21/01/2018 評論 NO. 18

    細哨真係萬中無一⋯⋯教會世人何謂快樂足球~

  • Jacky Lam
    Jacky Lam 於 21/01/2018 評論 NO. 19

    ((🤙))

  • Yiu Ting Ho
    Yiu Ting Ho 於 21/01/2018 評論 NO. 20

    好多勁既球星 但佢係令人睇到足球既歡樂 完全係另一個層次 好多人話佢高鋒期短 但佢就短短兩三季已經征服哂成個球壇 係班拿貝拎到主場球迷既掌聲 卡斯拿斯都另哂頭

  • Mo Leung
    Mo Leung 於 21/01/2018 評論 NO. 21

    佢一攞波威脅好大

  • Bryan Ha
    Bryan Ha 於 21/01/2018 評論 NO. 22

    真真正正睇得出佢有幾愛幾享受足球

  • Kelvin Ho
    Kelvin Ho 於 21/01/2018 評論 NO. 23

    估唔到佢仲遲過卡卡退休

  • Chi Ming
    Chi Ming 於 21/01/2018 評論 NO. 24

    無論佢贏波定輸波佢都系可以笑容滿面,佢呢啲先系享受足球⚽️

  • David Hui
    David Hui 於 21/01/2018 評論 NO. 25

    睇細哨踢波真係賞心樂事。美斯C朗係入好多波,但始終未致於令球迷著迷同如痴如醉。3R喺我心目中永遠係最勁

  • ONeal Ng
    ONeal Ng 於 21/01/2018 評論 NO. 26

    睇佢踢波真係一種享受🙇🏾呢D級數嘅球員,當今球壇暫時未見到😔

  • Neville So-Kau Wu
    Neville So-Kau Wu 於 21/01/2018 評論 NO. 27

    第日的球王可能係守得最叻的一個

  • William Wong
    William Wong 於 21/01/2018 評論 NO. 28

    唔同level嘅勁

  • Cyrus Lincoln
    Cyrus Lincoln 於 21/01/2018 評論 NO. 29

    暫時黎講佢之後,還未見到個球王出現

  • Daniel Ng
    Daniel Ng 於 21/01/2018 評論 NO. 30

    Tyler Bean Ho

  • Love Daniel
    Love Daniel 於 21/01/2018 評論 NO. 31

    如果論控制個波,同球感,真係冇人有细哨,施丹同埋柏金咁強

  • Yau Yi Tak
    Yau Yi Tak 於 21/01/2018 評論 NO. 32

    見到02年巴西世界杯既陣容,真係有生之年都幾難再見到

  • Darcy Leung
    Darcy Leung 於 21/01/2018 評論 NO. 33

    王者沒有最後的

  • Alvin Cheung
    Alvin Cheung 於 21/01/2018 評論 NO. 34

    足球係佢腳下被賦予生命,佢教曉我地何謂快樂足球,對足球既熱誠,一代傳奇!

  • Fuk  Lee
    Fuk Lee 於 22/01/2018 評論 NO. 35

    我覺得細哨單挑皇馬六條煙先係經典

  • Shing Yip
    Shing Yip 於 22/01/2018 評論 NO. 36

    時光係最無奈嘅東西

  • Tommy Grooves
    Tommy Grooves 於 22/01/2018 評論 NO. 37

    好懷念

  • Atlantis Fung
    Atlantis Fung 於 22/01/2018 評論 NO. 38

    一個細哨,一個大哨,佢哋一攞波後衛只能當雪糕筒

  • Chan Chun Kin
    Chan Chun Kin 於 22/01/2018 評論 NO. 39

    現代足球既問題

  • Kin Yi
    Kin Yi 於 22/01/2018 評論 NO. 40

    細哨係唯一,一個在場上跳起森巴舞🕺🏻最閃耀,笑容😁最燦爛,最美的一個巴西人🤙🏻🤙🏻🤙🏻向你致敬
    (一起森巴舞,換走不滿......)永遠的球王(朗拿甸奴)😘😘😘

  • 陳諾
    陳諾 於 22/01/2018 評論 NO. 41

    球王,瀟灑,笑容滿面,快樂足球好難搵到第二個

  • Lik Kiu Chan
    Lik Kiu Chan 於 22/01/2018 評論 NO. 42

    Hon Kit Fong

  • Ronald Yap
    Ronald Yap 於 22/01/2018 評論 NO. 43

  • Ben Law
    Ben Law 於 22/01/2018 評論 NO. 44

    大,細哨兩個外掛佬同時出現一齊,好難得!但講到盤球怎小得比利

  • So Man On
    So Man On 於 22/01/2018 評論 NO. 45

    Albert Yu

  • Chris Lks
    Chris Lks 於 22/01/2018 評論 NO. 46

    Kongking Yeung球王

  • Terrence Wong
    Terrence Wong 於 22/01/2018 評論 NO. 47

    👍👍

  • Hoi Wenky
    Hoi Wenky 於 22/01/2018 評論 NO. 48

    俾細哨過對手會心服口服
    俾尼馬過只會令對手全心報復

  • Ryan Shum
    Ryan Shum 於 23/01/2018 評論 NO. 49

    亦都係最樣衰同咸濕嘅球王

  • Markmarkmark
    Markmarkmark 於 23/01/2018 評論 NO. 50

    最後一位 !?足球以後冇人踢啦

快捷鍵:←
快捷鍵:→