【賽後點評】香港飛馬 2:1 標準灝天

守拙 於 04/03/2017 發表 收藏文章


尋日香港飛馬繼上個月作客擊敗南華後,終於再一次拎到三分。

------------------------------------------------------------------------------
  1. list item
比賽短述:

今場飛馬以比較似4231既陣容出擊。

由於基斯贊受傷,龍門用咗袁皓俊。後防方面,中堅拍擋就由艾華度拍住查維斯,左閘用番方柏倫。比較特別既係右閘,用咗今季打慣防中既胡晉銘。
中場方面,有李毅凱拍住麥保美做雙防中。另外亦派出蕭俊銘代替利馬喺中場負責策劃。
前鋒線有迪亞高、梁嘉恆同陳肇麒做個三叉戟。

開波早段香港飛馬稍為戰局,迪亞高同梁嘉恆都不斷嘗試創造機會。去到十幾分鐘,就由梁嘉恆右手面硬爆之後出個靚波俾啱啱趕到既迪亞高射入領先1:0。之後迪亞高同陳肇麒都有幾次機會,但係都把握唔到。

下半場戰局都幾均勢下,飛馬後防幾次都走甩左火雞同艾華頓。陳肇麒五十幾分鐘有兩次機會都把握唔到之後無耐,飛馬龍門袁皓俊接高波甩手,鄭兆均及時趕到射入,將紀錄變成1:1。安基斯入黎無耐嘗試倒戈射波,但係俾對手及時封阻。但好彩過咗無幾耐梁嘉恆就喺冇人看管之下射成2:1再次領先。
------------------------------------------------------------------------------
個別球員點評:

其實迪亞高今場波起初表現真係都幾活躍下,但係之後因為比賽中途有d胃痛而表現開始下滑,最後捱唔住要向教練申請換走佢。

另外,今場因為利馬停賽,所有罰球改由李毅凱既決定好奇怪。李毅凱都需要學識喺場上冷靜d,今場都幾次同對面球員有不必要衝突。

龍門袁皓俊已經連續兩場接高波甩手,接高波既技巧當然亦有待改善。

陳七無論踢翼定前鋒都暫時冇乜特別作用,似乎南華賣佢走係正確既。

梁嘉恆越踢越好,今場喺右路創造咗唔少機會,更加又一次射奠勝既入波。

標準灝天失得兩球,門將奧力斯功不可抹。奧力斯今場表現神,救出咗好幾次靚既埋門。

摩域治同查維斯打法同表現都一致,當個波係炸彈,有波即清。

球證表現:
廖國文又一次鳩吹,搞到場上既球員燥燥地。

------------------------------------------------------------------------------
下一場比賽香港飛馬將會喺菁英盃面對東方龍獅,如果袁皓俊繼續擔正,可以預計飛馬後防會被人中出6789球都似。

最後希望大家入場支持本土足球


留言


請按此登錄後留言。未成為會員? 立即註冊
    快捷鍵:←
    快捷鍵:→