【轉會傳言】為簽西維爾翼鋒,馬體會或向球會直接「過數」4000萬?

有趣足球事件簿 於 08/06/2017 發表 收藏文章
雖然馬德里體育會喺今個夏天,因為受到轉會禁令的影響,唔可以進行任何的球員註冊,但係施蒙尼的球隊亦都有望喺明年1月,立即簽下一位強援,呢位球員就係來自西維爾的域度奴(Vitolo)啦!


西班牙COPE電台指出,域度奴正準備喺今個夏天離隊,但係佢唔會即刻加盟馬體會,而係會以借將身份,加盟拉斯彭馬斯半季,去到明年的1月1號,佢先會正式加盟床單軍團。

據了解,馬體會好可能會直接過數4000萬歐元俾域度奴,然後叫佢買斷自己份合約,而呢位西維爾球員就會成為一位自由球員。然後,馬體會就會同拉斯彭馬斯進行「枱底交易」,安排域度奴以借將身份加盟拉斯彭馬斯半季,再喺出年正式加盟馬體會。

另一種方法,就係馬體會直接以4000萬歐元求購域度奴,然後喺買賣合約入面,寫明呢位西班牙翼鋒將會喺未來半季,被借用至拉斯彭馬斯效力,但係呢種做法,好可能令到馬體會再一次被國際足協調查。

如果域度奴最終加盟馬體會成功,佢將會同舊隊友加美路再次合作!

COPE:
http://www.cope.es/noticias/partidazo-cope/vitolo-sera-jugador-del-atletico-madrid-proximo-enero_150761

標籤: 域度奴  

留言


請按此登錄後留言。未成為會員? 立即註冊
    快捷鍵:←
    快捷鍵:→