【Forever 26】有心思的送別!車路士於26分鐘換走泰利,讓其最光榮的離去!

有趣足球事件簿 於 22/05/2017 發表 收藏文章
今輪英超,車路士以5:1大勝新特蘭,而一早宣佈咗喺季後他投既藍軍隊長泰利,就喺史丹福橋球場,完成個人既車路士生涯入面,最後一次既主場正選上陣。

令人感動既係,身披26號球衣既泰利,喺球賽踢到去26分鐘既時候被換離場,而其餘10位既車路士正選球員,包括門將古圖爾斯,都走咗去換人區附近,列隊歡送呢一位英格蘭老將,而全場的球迷亦都同一時間站立,以掌聲告別呢一位喺1995年開始,就已經效力藍軍既頂級中堅。

https://www.youtube.com/watch?v=Avy8j3lReJ4

賽前,泰利透過個人既社交帳戶,發表即將離隊既感受:「今日將會係一個好傷心既日子,亦都係一個值得高興既時刻,因為車路士成功拎走今季既英超冠軍,而我亦都已經接近離開呢一支我已經效力22年既球隊。」

「利用文字,絕對唔可以表達我呢一刻既感受,但係我需要講既係,如果冇球迷既支持,泰利一定唔會得到今日既成就,多謝各位。」

雖然唔知泰利下一站會去邊度,但相信一班既車路士球迷,都會繼續支持呢一位英格蘭中堅,喺職業生涯既最後階段再闖高峰既!再見啦泰利!

告別儀式:
https://www.youtube.com/watch?v=YJTdtn-RW4g
標籤: 泰利  

留言


請按此登錄後留言。未成為會員? 立即註冊
    快捷鍵:←
    快捷鍵:→