【威到盡】熱刺6:1狂勝李斯特城,兩大射手合共創下四項紀錄!

有趣足球事件簿 於 19/05/2017 發表 收藏文章
今輪聯賽,熱刺作客以6:1大勝上屆英超冠軍李斯特城,哈利簡尼同埋孫興民就包辦咗客隊既所有入球,分別攻入4球同2球。值得一提既係,今場既比賽刷新咗唔少既新紀錄!

第一項,就係哈利簡尼憑住今次既大四喜,成功超越愛華頓前鋒盧卡古,升上咗今屆英超神射手既第1位,暫時以26個入波領先一眾強敵,而喺聯賽剩低最後一輪既情況下,呢位熱刺射手好大機會拎走呢個獎項。

第二項,今次既大四喜,係哈利簡尼職業生涯入面既第1次,值得高興啦絕對!


第三項,哈利簡尼成為繼名宿基里夫斯(Jimmy Greaves,68-69年球季)之後,又一位單季收獲4次帽子戲法既熱刺球員,而值得一提既係,年僅23歲既哈利簡尼,喺個人職業生涯入面,已經第7次單場入3球,效率相當高!

第四項,就關於梅開二度既孫興民。來自南韓既孫興民,成功打破前輩車範根既單季入球紀錄(19球,85-86年球季),成為史上單季入球數字最多既旅歐南韓球員,而呢位熱刺7號仔今季既入球數字,就已經去到21個啦!


其實熱刺今季既發揮真係好出色,好似哈利簡尼、阿里同埋孫興民咁,今季都各自攻入咗20球或以上,而且佢地既防守又夠哂集中,難怪有唔少既球迷都睇好熱刺爭英超冠軍!只可惜,今屆既英超冠軍獎盃,落咗喺車路士手上,希望熱刺下季繼續努力啦!


標籤: 哈利簡尼  孫興民  

留言


請按此登錄後留言。未成為會員? 立即註冊
    快捷鍵:←
    快捷鍵:→