【名將之後】違約金6000萬!「白必圖之子」加盟士砵亭!

有趣足球事件簿 於 18/05/2017 發表 收藏文章
如果要講一個令人難以忘記既慶祝動作,大家會揀邊一個?或者唔少老一輩既球迷,都會揀巴西名宿白必圖(Bebeto)既抱bb動作,但令人估唔到既係,當日既Baby,依家已經成為一位職業足球員,唔知佢將來既成就會唔會高過daddy呢?



現年22歲既馬泰斯(Mattheus Oliveira),就係白必圖喺1994年世界盃入面,抱仔手勢既靈感啦,而白必圖既呢位公子,依家已經成為咗一位職業球員,仲喺日前加盟咗葡超勁旅士砵亭添!

司職攻擊中場既馬泰斯,喺法林明高出道,今季就效力緊葡超球隊艾斯杜尼,但係全季貢獻2入球5助攻既表現,就令到佢獲得士砵亭睇中,仲出價500萬歐元將佢簽入添!

雖然馬泰斯唔係同爸爸一樣,司職前鋒,但係佢既進攻才華仲同爸爸一樣咁掂,盛傳士砵亭已經喺馬泰斯份合約入面,加入咗條價值6000萬歐元既違約金條款,睇黎都幾重視呢位名將之後喎!

https://www.youtube.com/watch?v=_VhzJwakViQ

囝囝馬泰斯開始喺歐洲球壇嶄露頭角,咁爸爸白必圖依家又做緊咩呢?有消息指,現年53歲既白必圖,近年開始喺巴西從政,依家正喺里約熱內盧出任參議員,仲要幾受愛戴架。

士砵亭官網:
http://www.sporting.pt/pt/noticias/futebol/equipa-principal/2017-05-15/quero-fazer-historia-no-sporting-cp
標籤: 馬泰斯  白必圖  

留言


請按此登錄後留言。未成為會員? 立即註冊
    快捷鍵:←
    快捷鍵:→