【實至名歸】巴舒亞伊後備建功,助車路士勇奪16-17年球季的英超冠軍!

有趣足球事件簿 於 13/05/2017 發表 收藏文章
今輪英超,一直長居「一哥」位置既車路士作客西布朗,而喺遲遲未有收獲入球既情況下,藍軍教練選擇調入巴舒巴伊同埋韋利安加強攻力,即時收到成效!82分鐘,艾斯派古達右路傳中,巴舒亞伊快西布朗守衛一步撞入,最終協助客隊以1:0小勝,提前兩輪捧走英超冠軍!



今季,車路士既表現非常出色,雖然喺季初,佢地既排名一度跌到去第10位,但係接連輸俾利物浦同阿仙奴,令到教練干地痛定思痛,決定即時變陣,起用自己最擅長既三後衛陣式,用緊密既防守喺英超殺出一條血路!

進攻線方面,迪亞高哥斯達、夏薩特同埋柏度組成既三叉戟絕對係無堅不摧,佢地3位一共喺聯賽,為車路士帶來43個入球同埋21個助攻,而呢個咁勁既進攻效率,就成功為球隊喺3年之內,第二度勇奪英超冠軍!


除此之外,法國中場簡迪都係車路士奪冠既核心人物之一。較早前拎咗PFA英超年度最佳球員獎既佢,雖然近2場聯賽都冇份上陣,但係呢位前李斯特城中場的表現同埋付出,絕對係各大球迷都有眼見既,話曬簡迪都係一位佔據咗地球30%既男人黎架!

今次既奪冠,令到簡迪同前輩舒華沙睇齊,成為又一位先後喺兩間球會效力,但同時可以衛冕英超冠軍既球員,簡直係架勢堂!


與此同時,其實今季既車路士都創造咗唔少既紀錄,其中最威水既,相信就係平歷史既聯賽13連勝啦,至於上一支能夠喺英超錄得13連勝既球隊,就係2002年既阿仙奴啦。

5月底,車路士將會喺足總盃既決賽上面,出戰阿仙奴,相信提前拎到聯賽冠軍既氣勢,將會協助干地既球隊衝擊雙冠王既名號,唔知藍軍會唔會笑到最後呢?

值得一提既係,今次既奪冠,其實都帶俾車路士一定既代價架!點解咁講?為咗方便一班球員去山楂球場比賽,車路士既隊巴就咁停泊咗喺路邊,所以搞到俾警察抄牌,仲要罰錢添!不過,車仔一樣都富可敵國架啦,依家仲要成為新鮮熱辣既英超冠軍,區區一張「牛肉乾」,豪俾佢啦!


車路士官網:
http://www.chelseafc.com/news/latest-news/2017/05/report--west-brom-v-chelsea.html

車路士twitter:
https://twitter.com/ChelseaFC/status/863140670369824768

抄牌:
https://www.thesun.co.uk/sport/3547667/chelsea-team-bus-premier-league-west-brom/

留言


請按此登錄後留言。未成為會員? 立即註冊
  • OhMyGirl_Arin 於 13/05/2017 評論 NO. 1

    本來收起世三同柏度 我都諗住和硬 亞衣好波!

  • 閒雲野鶴 於 13/05/2017 評論 NO. 2

    養兵千日,用在一時。有冇啲似世界盃決賽嘅葛斯同歐國盃嘅艾達盧比斯呢?

快捷鍵:←
快捷鍵:→