【永不言敗】伊巴謙莫域首度回應「掛靴論」:我不會放棄!

有趣足球事件簿 於 24/04/2017 發表 收藏文章
由於喺歐霸盃賽事入面勇戰受傷,令到曼聯前鋒伊巴謙莫域需要休戰8-9個月既時間,所以有好多球迷都擔心,「呂布」會因為咁而直接選擇掛靴,更加有傳紅魔唔會向佢提供一份新合約。

對於林林總總既流言,伊巴謙莫域日前終於喺社交帳戶上面,作出一個正面、肯定既回應。


伊巴咁講:「首先,我需要多謝每一位既支持,因為我需要暫時告別球員一段時間,但係我肯定會以一個更強大既姿態回歸。去到目前為止,我一直都係用一隻腳去比賽,所以受傷對我黎講,唔算得上係乜野問題。」

「有一點我可以肯定,就係唔會有其他人知道我幾時掛靴,外界既流言同埋傷患,係唔會影響我既決定。我係唔會放棄,我一定可以重返球場,好希望可以早日同大家見面。」

舊年夏天,伊巴謙莫域喺離開聖日耳門既時間,曾經講過:「既然好似皇者咁駕駛,就要好似傳奇咁離開。」所以,因傷掛靴絕對唔會成為佢既最終選擇,希望快啲喺球場見啦!加油呀伊巴!
標籤: 伊巴謙莫域  

留言


請按此登錄後留言。未成為會員? 立即註冊
  • L Lo Pang 於 24/04/2017 評論 NO. 1

    霸氣-一直都係一隻腳比賽🤣加油

  • 閒雲野鶴 於 25/04/2017 評論 NO. 2

    曼聯話可以續約伊巴,但下季冇會基沙文來投。一係你叫伊巴按操練同落場時間計糧囉,睇下佢制唔制。

快捷鍵:←
快捷鍵:→