【不能只有我看到】比利連「騎呢」髮型曝光

有趣足球事件簿 於 23/04/2017 發表 收藏文章
唔知點解,阿仙奴右閘比利連既狀態近期一直係咁跌,而好多球迷都呼籲佢去剪下髮,因為喺留長咗頭髮之後,呢位西班牙後衛既表現就愈來愈差,喺上輪聯賽入面,佢更加俾雲加放咗喺後備席,無得以正選身份出戰。

日前,喺阿仙奴發放既最新一輯球員訓練相入面,就發現比利連既跡影,雖然佢真係有轉過個新髮型,但係就愈整愈醜,仲學人留辮添,不禁令人問一句:「做咩姐你?」

比利連1.0

比利連2.0

比利連3.0

想當日,比利連蠟起個油頭個陣,喺球場上面風馳電掣,但係啲頭髮愈留愈長既時間,佢既狀態同表現就愈來愈差,難怪著名既阿仙奴球迷「暴龍哥」,都叫佢剪下髮啦。

點知比利連又整咗個令人難以接受既新髮型,睇黎真係想激死班球迷啦今鋪。
標籤: 比利連  

留言


請按此登錄後留言。未成為會員? 立即註冊
  • 閒雲野鶴 於 24/04/2017 評論 NO. 1

    除咗比賽狀態唔理想之外,雲加最近擺嘅5-4-1或者3-4-2-1陣式都未必有比利連嘅位置,張伯倫真係打得好。

  • OhMyGirl_Arin 於 24/04/2017 評論 NO. 2

    以前個款幾型 之後越黎越柒 踢得都越黎越差 宜家比爾連仲放題過仲廢過贊堅臣

快捷鍵:←
快捷鍵:→