【恭喜哂】17-18年英超既第一支升班馬出現!白禮頓!

有趣足球事件簿 於 18/04/2017 發表 收藏文章
目前,英超既護級形勢愈來愈激烈,侯城、史雲斯、米杜士堡同埋新特蘭都有機會降班。至於一眾英冠既前列份子,依家都為左爭升班而搏到盡,而喺今輪英冠聯賽完結之後,仲有一支球隊成功確認喺來季升上英超添,佢地就係白禮頓啦!


今輪聯賽,白禮頓主場以2:1贏左韋根,而排緊英冠第4既哈德斯菲爾德就不幸以1:1和左打比郡,而呢個賽果就令到拎左92分既白禮頓成功衝超。至於另一個可以直接升班既資格,相信會由排緊第2位既紐卡素拎到,而佢地既聯賽積分就有85分。

至於最後一個既升班資格,就需要透過踢附加賽先確定到,而雷丁、哈德斯菲爾德、錫周三、富咸同列斯聯都有機會參與附加賽,爭奪升班資格。
標籤: 白禮頓  

留言


請按此登錄後留言。未成為會員? 立即註冊
    快捷鍵:←
    快捷鍵:→