【鐵血戰士】馬體會中場為咗踢波,近年一直「痾血尿」!

有趣足球事件簿 於 17/04/2017 發表 收藏文章
喺好多唔同既比賽入面,我地都會見到一班球員,會搏哂老命咁去踢波,務求協助球隊贏波,但係如果講到點樣先算搏到最盡,馬德里體育會中場沙奧尼古斯可能就係一個非常極端既例子啦!點解?因為呢位西班牙國腳「自爆」,話自己因為踢波,而痾血尿!


沙奧尼古斯咁講:「2年前,我曾經戴住導尿管踢波,因為喺每次既操練同比賽完結後,我都會痾血尿,情況仲係相當差既添。不過,為左馬體會,我唔介意用健康去踢波。」

點解沙奧尼古斯會突然痾血尿呢?係因為喺14-15年球季既歐聯賽事入面,呢位西班牙中場喺對住利華古遜既比賽入面,被對手撞傷,而賽後就證實左腎臟出現血腫,令到佢keep住痾血尿。

正所謂「好腰好腎好男人」,依家沙奧尼古斯就無咁樣,仲要係男人最痛既部位,都咪話唔辛苦!不過,佢呢份為左馬體會而不斷付出既精神,又係好值得一讚既。不過,最緊要就係養好身子,健健康康咁比賽先係最好架!
標籤: 沙奧尼古斯  

留言


請按此登錄後留言。未成為會員? 立即註冊
    快捷鍵:←
    快捷鍵:→