【神の撲救】昔日「新保方」,101秒內連撲馬體會兩球十二碼!

有趣足球事件簿 於 16/04/2017 發表 收藏文章
喺今輪既西甲聯賽入面,馬德里體育會以3:0大勝奧沙辛拿,雖然主隊成功大勝一場,但係佢地喺臨完場之前,接連射失2球十二碼,而破壞床單軍團好事既人,就係眾多球迷都熟悉既意大利國腳施利古!


89分鐘,安祖哥利亞喺禁區內跌低,馬體會因而得到一個十二碼,而主射既卡拉斯高就俾施利古捉到路,無辦法成功入波!

1分鐘後,馬體會防守中場柏迪(Thomas Partey)喺禁區內既傳球,省中奧沙辛拿球員隻手,球證再次判罰十二碼,但係柏迪既親自處理再一次俾施利古救到,而呢位前聖日耳門門將2次既撲救十二碼,只係相隔101秒,刷新左西甲紀錄!

https://www.youtube.com/watch?v=BnueoWAo5So

https://www.youtube.com/watch?v=HpZFZuT6bSc
https://www.youtube.com/watch?v=JMiMECrntfA

值得一提既係,馬體會今季已經有6次射失十二碼既紀錄,成為西甲之冠,而教練施蒙尼都表示,呢個現象連佢自己都解釋唔到!

現年30歲既施利古,本身係巴黎聖日耳門既一員,但係由於小將艾利奧拿歸隊,令到佢既二號門將地位受到動搖,所以佢喺去夏就選擇以借將身份加盟西維爾,點知去到西維爾都唔受重用,佢就再喺今年1月,再以借用形式轉投奧沙辛拿!
標籤: 施利古  卡拉斯高  柏迪  

留言


請按此登錄後留言。未成為會員? 立即註冊
    快捷鍵:←
    快捷鍵:→