【潛力之星】某切爾達大將,上季曾於奧脫福收獲入球? 文字

日前,曼聯喺歐霸盃4強次回合既比賽入面,以1:1戰和來自西甲既切爾達,兩回合計以2:1驚險晉級,距離爭冠又近一大步!

好多球迷都話,如果唔係曾經效力過曼城既古達迪(John Guidetti)喺首、次回合既比賽入面,多次浪費機會,曼聯應該一早就出咗局,因為紅魔今次既晉級其實都唔算太有說服力,好多時間都係俾切爾達禁住砌,好彩用「大巴陣」救返佢地。

不過,其實切爾達有好多既球員,喺今次對住曼聯既系列賽都踢得唔錯架,就好似第一球星艾斯巴斯、中場指揮官華斯(Daniel Wass)同埋翼鋒球員施斯圖(Pione Sisto)咁。


今次就單獨講下施斯圖,到底呢位人兄係乜頭乜路呢?現年22歲既佢,喺烏干達出世,依家係丹麥國家隊既成員,而值得一提既係,佢喺舊年既歐霸盃賽事入面,已經試過同曼聯交手架啦!不過施斯圖當時效力既唔係切爾達,而係丹超勁旅米迪蘭特。

喺上屆既歐霸盃32強賽事入面,曼聯既對手就係來自丹超既米迪蘭特,點知紅魔喺首回合就作客以1:2輸波,但係返到黎主場之後,佢地就以5:1反勝對手,兩回合計以6:3晉級16強。至於邊位米迪蘭特球員成功喺奧脫福入波?咪就係施斯圖囉!


曼聯5:1米迪蘭特:

舊年夏天,施斯圖獲得切爾達招攬,仲即刻成為主力球員,全季踢咗53場比賽,貢獻咗12個入球同3次助攻,認真叻仔!

今季代表切爾達喺歐霸再戰曼聯既,施斯圖喺兩場比賽既入面,都被安排擔任左翼,而喺同華倫西亞既對抗上面,呢位丹麥翼鋒一啲都唔怯場,仲好夠膽盤扭同埋突破添,呢啲就叫做初生之犢不畏虎啦!唔知將未來既日子,會唔會見到呢位丹麥國腳登陸豪門呢?
標籤: 古達迪  艾斯巴斯  施斯圖  

留言

會員
我要評論
請按此登錄後留言。未成為會員? 立即註冊
  • ivansosbx
    ivansosbx 於 12/05/2017 評論 NO. 1

    west ham坐和望贏

快捷鍵:←
快捷鍵:→