英超重頭戲---熱刺對阿仙奴

不知道⚽😂 於 09/02/2018 發表 收藏文章
黎到今個禮拜重頭戲喇!北倫敦打比將至,而兩軍狀態都幾大差距。阿仙奴係上一輪聯賽以5比1橫掃拖肥,而熱刺僅能以爭議12碼逼和主隊利物浦。不過考慮到熱刺主場面對列強成績都唔錯,對阿仙奴一仗並非無機會。而溫布萊魔鬼雲爺爺亦希望取得3分以保住爭4希望。依家就等小編略略解釋下局勢。
主隊熱刺今年防守穩健,主場只失9球,僅次曼大巴,主場氣勢不言而喻。今年熱刺將壓逼戰術執行得非常徹底,上場同利物浦鬥壓非常精彩,理應有能力將MOLA組合火力減低。但熱刺近排攻力疲弱,近五場比賽得球均不過兩球,連對乙組仔紐波特郡都只贏2比0(仲有一球係烏龍)。攻中阿里狀態平平,令艾力臣難以用一己之力支撐成隊波攻勢組織。加上皇牌哈利簡尼係球隊唯一單箭頭,一但被mark死就好大鑊。話雖如此,但拉美拿復出同埋有新兵盧卡斯候命,以及攻中迪比利得到充分休息機會,理應能對阿仙奴果條豆腐渣防線造成一定威脅。另外,體力將會係對熱刺眾將一個考驗,始終打完曼聯同利物浦真係唔輕鬆,下週仲要歐聯對祖云達斯,3場都無得留力,如何撐住將會係一眾球員同埋普帥一大煩惱。且看今場普帥會唔會留力。
客軍阿仙奴方面,阿仙奴得到Auba同MK恩加盟後展現出強大火力,37分鐘已4度攻破拖肥龍門,當中MK恩貢獻兩個助攻,而Auba就斬獲處子入球。而梅斯達菲同哥斯連尼就係死球攻勢互相配合製造左一個入波。藍斯其後更完成帽子戲法助槍手5比1大炒客軍拖肥。阿仙奴開始大踢進攻足球,擁有奧斯爾,MK恩,Auba同拿卡呢個'MOLA'進攻組合,令人聞風喪膽(小編作為利迷倒抽一口涼氣,表示好彩已經打左阿記)。阿仙奴進攻方式多,‘MOLA’組合可中路突擊或左右邊路進攻,又有藍斯後上同渣卡遠炮,仲有死球高佬攻擊,梗有一樣撕破到熱刺防線。
照目前情形,兩隊都會開曬Turbo進攻同埋壓逼,希望係對方身上搶到分爭4。作為觀眾小編當然希望呢場北倫敦打比會好有火藥味,最好就激戰連場,多D入波,等我地可以大飽眼福!

【世界盃 ng sick ball 街訪 — 第三集】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→