紅軍突如其來的轉會進展

係轉會窗得番兩日唔夠既時間，利物浦終於有兩單行得幾埋既交易消息發佈開去，等到頸都長埋既利迷終於可以見到啲啲希望啦。


第一個係利物浦一直夢寐以求既後防- 黎自修咸頓既雲迪克，今個轉會窗開始前已經一直有傳聞話會過去利物浦，但係跟住要道歉了事，呢樣野相信大家都知道。但係呢個禮拜就有新既消息，話影到私人飛機去到機場，又話影到上次車沙拿既VAN去車雲迪克，睇黎今次真係有好大機會可以簽到佢番黎，不過好似話會用破紀錄既£70m，小編覺得呢個價係幾貴下。之但係紅軍既後防就會穩定好多啦(傷瘉後能保持狀態的話)，希望呢次唔係食詐糊啦，話晒大把利迷都FF左咁耐。


第二個係摩納哥既林馬，呢位法國國腳之前只係得零星既傳聞話利物浦，但係非常突然地就同佢再次扯上關係，今次既消息仲要係有報價架，要£74.4加埋奧歷治做去做籌碼完成呢畢交易。有呢個法國實力左翼既加盟對4線作賽既紅軍係一個好好既補充但係個人覺得呢次交易係幾貴，小編反而唔係好想佢成功完成而令紅軍做一次水魚。