﹝朋友，進化和蛻變吧！﹞當足球員變成寵物小精靈時...

唔知發生緊咩事嘅你，可能會覺得有啲奇怪。雖然香港暫時仲未有得玩pokemon go，但係當你有一日街條街度，見到成班人頭耷耷，望住部電話漫無目的咁遊蕩，無論你點大叫，佢地都唔會有絲毫嘅反應。你以為係恐怖片變成現實，實情是大家都係度玩緊pokemon go姐！

咁究竟關足球員咩事呢？話說外國網站Squawka就將足球員同寵物小精靈合併埋一齊，每個足球員就係一隻小精靈，有得進化，分哂派系，一齊睇下邊隻岩你心水啦！

哥利斯馬→拿尼→C朗佢地就好似小火龍、火恐龍同噴火龍一樣，2016年剛剛登基為歐洲盟主嘅葡萄牙，隊中哥利斯馬，拿尼同C朗，比我地見證住由天份進化成實力嘅過程。哥利斯馬時好時壞，拿尼狀態不穩，但當進化到最尾，你會見到一個全身都係火嘅C朗，佢啲火，隨時燒埋你架！
巴克利→朗尼→加斯居尼
佢地同樣都係有身型，有鬥心，好多英格蘭嘅中場都係走呢個路線。22歲嘅巴克利為初始期，相信總有一日佢會好似上一代中場大師加斯居尼一樣，肩負起英格蘭中場嘅使命。但去到最終目標之前，佢需要經過「朗尼」呢個階段，作為英格蘭隊長與及頂級射手，朗尼係呢條進化過程中不可或缺嘅一環。
甘美治→拿姆→碧根飽華
有時候，小精靈進化並唔單止講緊肌肉同體型嘅增長，仲有智力同等級各方面。就好似呢三個德國後衛咁，佢地除左可以承擔後衛嘅防守，又可以參與中場工作。從甘美治到拿姆再到傳奇嘅碧根飽華，佢地都同樣地有良好嘅閱讀比賽能力。假若佢地有一個所屬嘅派系，我估就一定係超能力系喇！
阿歷士辛祖→馬些路→羅拔圖卡路士
森巴出產嘅左後衛真係富有特色，速度快，助攻力強勁，甚至乎有無窮嘅氣力同重炮射球，都可以用後衛嘅身份，幫助球隊扭轉乾坤。阿歷士辛祖潛質優厚，假以時日，佢將可以媲美皇馬嘅後衛馬些路以及巴西傳奇左閘卡路士！
亨特拉爾→雲尼斯達萊→雲巴士頓
如果講到冰系小精靈，諗黎諗去只有呢三個荷蘭鋒線殺手可以完美演譯呢個角色。佢地有好特別嘅氣質，無懼壓力沉著應戰，門前起腳絕不留手！可惜嘅係，縱使呢班冷面殺手進攻嘅時候幾咁勇猛，佢地條血係比較少嘅。放係足球上面，就係代表緊佢地好多時都受到傷病困擾。
美斯→偽9號美斯→翼鋒版美斯→攻中版美斯
係小精靈世界，有隻好特殊嘅精靈叫伊貝；係足球世界，都有一個百年難得一遇嘅美斯。伊貝可以根據唔同嘅環境，或者你比啲咩屬性嘅石佢食，令佢可以進化成唔同嘅形態（當年我將佢進化成雷伊貝）。而美斯係四奪歐聯嘅路程都扮演過唔少角色，包括翼鋒，中路，false 9，同組織核心。就好似伊貝一樣，佢自己就已經可以形成不同嘅進化形態。
仲有其他「精靈」嘅進化圖鑑：
哈利卡尼→舒寧咸→舒利亞
史東斯→候姆斯→碧基
尼馬→朗拿甸奴→加連查
艾朗藍斯→傑斯→加里夫巴利
魯加尼→基亞連尼→邦路斯
當拿奴馬→佩雷斯→保方
羅馬尼奧→阿祖安奴→朗拿度
馬干→丹尼爾艾維斯→卡富
唐辛→賓艾化→洛賓
伊斯高→馬達→大衛施華
舒爾維→阿里→謝拉特
希基達→域陀華迪斯→紐亞
佐敦阿休→安祖阿休→阿貝迪·貝利
干地→卡比路→納比

來源 / 譯自：http://www.squawka.com/news/pokemon-go-meets-football-if-players-evolved-like-pokemon/725266