【有圖慎入】拉莫斯被踢斷鼻骨 確定缺陣今週歐聯賽事

森美爾足球勝地 於 20/11/2017 發表 收藏文章
皇家馬德里隊長沙治奧拉莫斯被踢斷鼻樑骨!早前馬德里打吡,皇馬作客馬體會嘅賽事入面,沙治奧拉莫斯被踢中臉部,其後受傷退下火線,並且唔能夠出戰今個星期嘅歐聯賽事。

loading
皇馬大軍名單中冇拉莫斯大名。

loading

當時拉莫斯「見哂紅」,但都捱埋個上半場!

loading
拉莫斯被踢中一刻.......

拉莫斯係喺對馬德里體育會嗰場比賽受傷,36分鐘,於對手禁區內,被敵方左閘盧卡斯靴南迪斯踢中臉部,但球證並冇吹罰12碼。堅強嘅隊長仍然堅持作賽,捱埋成個上半場,最後都被拿祖入替,退下火線。

據報導指,拉莫斯要檢查一下傷勢,並評估一下需唔需要做手術。若然康復進度理想,拉莫斯會好快可以復出,但若然需要做手術,養傷期有機會長達三個星期。如此一來,拉莫斯最起碼都會缺陣嚟緊對尼科西亞嘅歐聯賽事。

其他缺陣嘅皇馬成員仲有拿華斯及加里夫巴爾,而已復出嘅高華錫就不在大軍名單入面。

來源:Marcadailystar

留言


請按此登錄後留言。未成為會員? 立即註冊
    快捷鍵:←
    快捷鍵:→