山齊士主踢十二碼　激親雲爺爺 精選

阿仙奴昨晚以四比一擊敗打少個嘅侯城全取三分。贏埋呢場，阿仙奴今週應該可以進佔聯賽榜前四位置。但係比賽中途發生咗一段小插曲.......

上半場尾段，侯城球員利維摩亞禁區犯手球，阿仙奴獲判一球十二碼。照正常情況，阿仙奴十二碼首席繪子手應該係辛迪卡蘇拿。點知呢個時候，主踢嘅竟然係前鋒山齊士。要知道領隊早已於比賽前安排十二碼人選，呢個場內調動確實有違領隊命令。


阿仙奴領隊雲格就十分不滿呢個決定。《太陽報》嘅報導指，雲加將會就呢件事詢問山齊士，係未得到領隊准許底下，點解會自己決定去射呢球十二碼。佢強調，一直以黎都係比卡蘇拿射，雖然球員可以根據場上嘅情況決定邊個去射，但要澄清一點，山齊士絕對唔會係我哋首席繪子手。

或者山齊士覺得自己入咗一球，腳風好順，點知呢球十二碼比對方門將捉哂路...　還好及後仲有其他隊友入波，佢自己都整多粒，今場成功梅開二度。