隊中揀女婿？　干地心儀一名藍軍成員可娶他的女兒！ 精選

笑到見牙唔見眼！

有時岳父同女婿嘅嘢都真係幾講眼緣，順眼嘅，關係可以好和諧；唔順眼嘅，隨時一見面就鬧交（結咗婚嘅你實會明）！車路士領隊干地近日就指出，佢相當喜歡隊中一名球員，甚至乎喜歡到可以娶佢個女喎！不過咁，鍾意還鍾意，始終人哋都已經............
干地心儀嘅係莫拉達，唔止係球場上，更加係私生活上添！

不過達仔結咗婚架喇！

達嫂都幾省鏡！！

車路士將哥斯達賣番去馬體會，隊中入球能力就不得不倚靠莫拉達喇！呢位西班牙藉前鋒開季至今已攻入三個聯賽入球，狀態都算唔錯！干地就表明非常「冧」佢，佢話：「我鍾意佢，因為佢係好全面嘅球員，佢有好多空間可以進步，包括體格同技術層面，但佢態度就真係冇得輸！」
除咗踢波，干地仲大讚莫拉達有禮貌，佢繼續話：「佢（莫拉達）係好有禮貌嘅人，呢一點我好鍾意...... 佢好到一個地步係，如果你女兒希望跟這類型的男人結婚，你係完完全全會開綠燈去歡迎！」

揸住幅畫嗰個就係干地千金喇！
題外話，干地囡囡五官清秀，大個咗一定好靚女！到時干地真係要嫁女個陣，肯定唔會好似依家咁輕鬆講笑，實會超級唔捨得啦！！！

來源：http://www.sportbible.com/football/news-antonio-conte-absolutely-loves-one-of-his-chelsea-players-20170923?c=1506167238648