【轉會風波】山齊士留隊,誰是贏家?誰是輸家? 文字


曼城多次報價,最終也未能得到剩下一年合約的山齊士。這名智利鋒將最終留效阿仙奴,在張伯倫及基比斯離隊的同時,算是為球隊的兵源流失上止一止血。而阿仙奴領隊雲加也於轉會窗臨終結前,把握最後機會向摩納哥報價,可惜最終未能成事,轉為勸服山齊士留下也是可以理解。不過,山齊士留效這個決定,對哪一方有著數,哪一方會是輸家呢?一起來看看吧!

可以肯定的是,山齊士對阿仙奴總有點心灰意冷。

贏家
曼城的翼鋒

曾有傳言至阿仙奴希望以山齊士交換史達寧加現金,到最後以現金價6000萬鎊購買也未能成事,對一眾曼城翼鋒都是好消息。貝拿度施華加盟後,曼城正選翼鋒位置的競爭更加激烈。哥帥甚至也有意用加比爾捷西斯搭阿古路以雙箭頭攻堅,利萊辛尼及史達寧等翼鋒上陣次數漸漸減少,受到的威脅日增。如果山齊士來投,以他的級數及作戰心態必定會是正選。幸而現時山齊士沒有來投,對曼城翼鋒來說,出場機會起碼不會再進一步減少,可算是一個好消息。

利物浦

今個夏天轉會窗,利物浦買入不少球員補充實力,如沙拿及羅拔臣等。也購入一些超新星供球會長遠發展,如下年加盟的拿比基達,同時保留隊中的絕對進攻核心古天奴,實力得以穩步增長。

早前一場四比零大勝,利物浦完美擊敗阿仙奴。在英超賽場上,他們是前列競爭對手。在轉會市場也是。兩隊不斷與摩納哥翼鋒利馬交涉,希望得到這名超新星。阿仙奴於轉會窗最後一日終極出手,9200萬鎊的報價最終未能成事,主要原因是山齊士的轉會未能成功,從而令到利馬仍然留在摩納哥。最後,前列競爭對手未能趕及於轉會窗完結時處理好陣容上的調整,對利物浦來說絕對是好消息。或許到冬季轉會窗時,紅軍能夠對心儀已久的利馬再度出手也不定。

摩納哥

今個夏天,主力球員幾乎全數離去,巴卡約高、麥巴比、貝拿度施華等一一出走,令摩納哥近乎星散。幸好,隊中的進攻主力,年僅21歲的利馬仍然留隊,確是有賴山齊士未能成功轉會至曼城,令一向量入為出的雲加未能早早出手購買利馬。

利馬留隊,令隊中的中場線仍有他,聯同法賓奴、泰利文斯及經驗老到的莫天奴並肩作戰,要應付本土聯賽及歐聯雙線作戰下,陣容還算完整。

輸家
阿仙奴及雲加

這次未能出售山齊士,阿仙奴絕對是輸家。由於山齊士只剩下一年合約,幾乎百分百下定決心離開球隊之下,阿仙奴很可能連一毫子也不會收到。對於放走一名當家球星,視財如命的雲加未能獲得任何增兵資金,對球隊而言絕對沒有益處。

其後,對阿仙奴接下來的賽事成績更不甚樂觀。留下了驅殼,卻留不下靈魂。未來的正選陣容,雲加還會信任山齊士嗎?即使將他放於後備席,球隊失去一個進攻命脈,最強的入球機器,其他球員又能代替他的位置嗎?相信球迷們也心中有數。今次雲加於轉會市場策略失敗,最大的輸家必定是自己及球會。

山齊士
還有,山齊士本人。未能成功轉會雖不是他的責任,但作為一名頂級球星,今季歐聯將不會看到他的蹤影,只能參戰歐霸,對他而言,未能出戰最高水平的賽事,當然並非好事。28歲,是大多數足球員職業生涯高峰,未能爭奪各大賽事錦標,感到失望也在所難免。

今季阿仙奴的賽事,我們不難看到山齊士本人力不從心,心不在焉,相信甚至於更衣室內,不想山齊士留下的隊員與山齊士本人也不會有任何不捨之情。季初,球隊士氣已經一撅不振,相信此情況仍要延續一段日子,對山齊士的作戰心態或多或少有一定影響。

除此之外,智利很大機會擠身2018世界盃決賽週,這很有可能是山齊士以當打之齡參戰的最後機會,皆因再下一次世界盃,山齊士已年屆33了。若然坐足一年冷板凳,對他出戰世界盃的表現或多或少總有影響。在他個人而言,今次未能轉會,對他的作戰狀態、表現、甚至下季再轉會時的議價能力只會更差。除非,他突然改變主意,重新對阿仙奴表示忠心並得到雲加的信任吧!

來源:http://www.squawka.com/news/winners-and-losers-of-alexis-sanchez-staying-at-arsenal/986292#xms38XrlgZMwUq6d.97
標籤: 山齊士  

留言

會員
我要評論
請按此登錄後留言。未成為會員? 立即註冊
  • Sai Pigpig
    Sai Pigpig 於 01/09/2017 評論 NO. 1

    有60/70M唔要 留一個唔想踢一年約既球員 真係底咩
    計埋張伯倫 兩件拎住成億 1月任你踢幼幼啦

  • Roman So
    Roman So 於 01/09/2017 評論 NO. 2

    出年自由身走人

  • Tony Ma
    Tony Ma 於 01/09/2017 評論 NO. 3

    轉會操作失敗到咁,又係權鬥累事

  • Chris Choi
    Chris Choi 於 01/09/2017 評論 NO. 4

    Geoffrey Li 最後竟然觸礁

  • B.M. Kwong
    B.M. Kwong 於 01/09/2017 評論 NO. 5

    完全不知所謂,明明可以賣得出但玩野,人地hea一年白支人工咯,雙輸。

  • Chow Ming
    Chow Ming 於 01/09/2017 評論 NO. 6

    冇可能一月再走咩?

  • Lee Kin Sing
    Lee Kin Sing 於 01/09/2017 評論 NO. 7

    球星墳墓,阿仙奴

  • Alex Tao
    Alex Tao 於 01/09/2017 評論 NO. 8

    實在冇理由賣俾同是英超角逐嘅曼城

  • Nelson Au-Yeung
    Nelson Au-Yeung 於 01/09/2017 評論 NO. 9

    低能唔賣咪得個桔
    留住佢一樣踢唔到歐聯 有分別咩

  • 歌詞狂迷
    歌詞狂迷 於 01/09/2017 評論 NO. 10

    穩定軍心係阿仙奴面對嘅最大難題

  • Dicken Lai
    Dicken Lai 於 01/09/2017 評論 NO. 11

    今年分分鐘冇得出

  • Manfield Lo
    Manfield Lo 於 01/09/2017 評論 NO. 12

    三輸😎

  • Le Mon
    Le Mon 於 01/09/2017 評論 NO. 13

    多謝

  • Siu Hong O
    Siu Hong O 於 01/09/2017 評論 NO. 14

    阿仙奴降班吧啦

  • 謝灌剛
    謝灌剛 於 01/09/2017 評論 NO. 15

    山神好有heart絕對唔會hea踢,不過球隊不是一個人有heart就能勝出

  • Luka Luk
    Luka Luk 於 01/09/2017 評論 NO. 16

    阿記今季雙輸,得老闆重笑得出🙄

  • Roy Cheng
    Roy Cheng 於 01/09/2017 評論 NO. 17

    勉強無幸福,暑假唔放一月出幾多呢?

  • Chan Ryan
    Chan Ryan 於 01/09/2017 評論 NO. 18

    筆者文章所為估計教練球員心態都十分無知

  • supar08
    supar08 於 01/09/2017 評論 NO. 19

    留住人留唔到個心。勉強無幸福。一月又賣少好多,分分鐘自雪/傷到暑假。人財兩失。雲加等下年OZIL齊齊走。

  • Wing Chung Tang
    Wing Chung Tang 於 01/09/2017 評論 NO. 20

    返巴塞la

  • Yat Long Lai
    Yat Long Lai 於 01/09/2017 評論 NO. 21

    Hugo Leung 6000萬鎊凍過水,molamola

  • Jason Chan
    Jason Chan 於 01/09/2017 評論 NO. 22

    就個人而言呢篇文章非常偏頗,完全唔客觀。留低山齊士阿仙奴係輸家,放比同一個聯賽既球會唔通即刻變係贏家。我唔覺得真係會咁樣,變相只係會益左曼城/其他球會,宜家唔放山齊士,大家就即刻話山齊士冇心踢,佢似係呢D咁既人咩?我覺得佢唔係囉!絕對上場時出盡100%,所以我覺得今次阿仙奴做得對,係贏家嚟架喎!。Chi Kit Yeung Titus Lam Wai Shing Cheng

  • Rick Lau
    Rick Lau 於 02/09/2017 評論 NO. 23

    白果話唔想放比競爭對手真係想笑
    唔係仲諗住有資格爭聯賽冠軍呀嗎,想笑
    歐聯資格都無可能

    利獌鏝熱車睇唔出有邊隊會弱過你

  • Rin Li
    Rin Li 於 02/09/2017 評論 NO. 24

    留隊又無心踢。。見上場換走佢。就應該預左佢會走人。。最慘話想買林馬。。想買既人又係想去利記。。真係想睇下雲加呢季做到d咩可以保住自己個反碗

  • Winson Shek
    Winson Shek 於 02/09/2017 評論 NO. 25

    阿仙奴有雲加一定贏家,但阿仙奴球迷係輸家。

  • 閒雲野鶴
    閒雲野鶴 於 02/09/2017 評論 NO. 26

    好多領隊都講過一件事: 希望開咧嘅時候,轉會窗已經關閉。某程度上我係幾同意嘅。我絕對相信對好多球員嚟講,一年先得嗰幾十日有機會爭取轉環境同加人工,仲有咩可能100%專注喺球場上。尤其是阿仙奴,一直都風雨飄搖,缺席歐聯嘅心理影響都未有足夠時間去消化,宜家有得跳船嘅話,班球員嘅內心一定日日都交戰。

    好嘞,雲加同佢哋班手下終於捱到轉會窗完,山齊士會唔會罷踢好難講,人心肉造氣憤難平合乎情理。但求佢盡快調整心情,爭取上陣踢返幾個月好波,為一月自由接觸新東家而鋪路。

    雖然喺呢個轉會窗,雲加放人多過引援,相信大家都同意球隊實力並冇即時提升。但我對於某幾個位置都係有多少期待嘅。例如中堅嘅哥林張伯斯,佢上季喺米杜士堡長期出任正選中堅,亦具備阿仙奴陣中少有嘅身高優勢。基於哥斯尼同梅斯達菲都幾容易失傷、蒙利爾同浩鼎又唔太穩健,難得可以留隊嘅張伯斯或是都係其中一個X Factor。

    除此以外,禾確特同韋舒亞仍然留隊都叫係多啲選擇畀雲加。首先,如果單以默契而言,禾確特對比韋碧克、伊禾比係有更大嘅影響力。佢可以同基奧特、比利連有更好嘅串連,亦更適合出任4-3-3嘅其中一位箭頭。唔係話禾確特勁到應該打正選,但係球季悠長,某天雲加想放棄3-4-2-1嘅時候都有禾確特喺度。至於韋舒亞,我個人意願係希望佢出任返2010球季成名嗰時嘅防守中場位置。喺呢一刻,阿仙奴中後場嚴重缺乏戰鬥力,雲加棄用高基連同艾蘭尼兩位較樂於拼搶嘅球員,而堅持用一個有事無事都走上去前場嘅藍斯,無疑係導致攻守失衡嘅一著壞棋。我哋永遠唔會知點解雲加咁怕用雙防中,但係宜家韋舒亞都留隊,只要徹底傷愈,具備一定進攻能力嘅佢,要直接代替低迷嘅奧斯爾打進攻中場,抑或取代藍斯支援大眼仔,都係有雲加絕境之中嘅一條活命稻草。

  • WiLson Wong
    WiLson Wong 於 02/09/2017 評論 NO. 27

    曼城點睇都係嬴個個,比少D錢,又唔洗再買多個已經爆哂位的前場人

  • Chan Hon Lung
    Chan Hon Lung 於 02/09/2017 評論 NO. 28

    Ray Leung

  • 6262
    6262 於 07/09/2017 評論 NO. 29

    dddd

快捷鍵:←
快捷鍵:→