【爺爺心聲】雲加訪問吐真言! 雲佩斯離開最痛!山齊士有人代替?

山齊士轉投曼聯嘅新聞傳到「焮熻熻」,最新消息指山齊士同米希達恩會互換球隊,相信咁多位曼迷都好期待山齊士著上曼聯「7號」波衫嘅一刻,唔知阿仙奴球迷又係咪等待緊米希達恩加盟球隊呢?不過,經歷球隊多次主力更替嘅雲加,接受英國傳媒《電訊報》訪問時都提到,原來佢都曾經因為流失主力而感到心痛。


雲加似是表示山齊士即將離開了,佢接受採訪時提到:「球迷都大概知道山齊士唔會續約架喇,佢哋都彷彿接受咗呢件事,已成事實。」

「呢個係令一切較順利嘅轉會,結果應該唔會太令人失望。我們雖然確係失去一個球員,但我哋都能夠獲得新一個,而佢係會代替到之前嗰一個嘅。」

「錢對於自由球員嚟講係非常重要,轉會就一樣會變得重要,球員都會想等完約,咁樣會更好。」

雲加更提到雲佩斯當年轉會嘅事:「我哋喺飛燕諾成功收購雲佩斯,我哋得到佢,佢都喺球會效力咗好耐,當我帶佢嚟到呢度但佢最終又離開,咁先係最痛苦嘅事。」

唔好睇雲加外表冷酷,其實佢內心都有感情架,真係有如「爺爺」般。不過,啊爺爺,如果球隊年年目標都係一樣,不思進取,只會落得不進則退嘅下場架喳!即使更換隊中主力,都要交啲成績出嚟架!

來源:telegraph
【世界盃 ng sick ball 街訪 — 第二集】

留言

會員
我要評論
請按此登錄後留言。未成為會員? 立即註冊
  • Paul Sun
    Paul Sun 於 19/01/2018 評論 NO. 1

    有佢愛將伊禾比😂

快捷鍵:←
快捷鍵:→