【學界足球】精彩!元朗區毅智門神補時絕地扳平 12碼再做功臣助學校奪季!(有片)

森美爾足球勝地 於 15/12/2017 發表 收藏文章
雖然有人質疑學界比賽水平參差,但一眾學生哥為自己學校盡力而戰,不時發生熱血奇蹟事件!元朗區學界A Grade賽事昨日(2017年12月14日)上演季軍戰,由毅智對元朗官立,就有大家都意想不到嘅奇蹟發生。

▲  學界足球不時出現奇蹟!

賽前去到補時階段,當時毅智仍落後俾元朗官立一比二,隊中門神李皓洋挺身而出,完場前40秒上前助攻,接應隊友罰球斬入禁區,佢升高頭槌頂入,替毅智絕地扳平!

▼  門將入球追和片段:
https://www.youtube.com/watch?v=lS6nWKNyuGA

▲  洋仔救12碼係有啲心得!

咁都仲未夠!由於學界賽事冇加時,兩隊立即互射12碼分勝負。呢位門神喺互射12碼時先救出對方一球,為對手增加壓力之餘,亦大大提升隊友信心。最終毅智互射12碼贏四比二,成功擊敗元朗官立,奪得元朗區學界足球季軍!

其實洋仔兩年前打丙組已做過功臣!兩年前,洋仔仍然踢緊C Grade,估唔到年紀輕輕已經有大將之風!毅智呢場16強賽事,毅智互射12碼淘汰對手,全因洋仔喺互射12碼突然死亡階段連救3球12碼,最後一球更親自操刀射入,令毅智晉身8強!有片為證!

▼  兩年前洋仔12碼個人精華:
https://www.youtube.com/watch?v=rVgf0r8Tm24
相信這場經典戰役,足夠讓他們回味一輩子了吧!而洋仔學界生涯也相當完滿,毅智今年取得季軍佳績,下屆能否再進一步呢?大家要留意住呢班後生仔喇!

▼  元朗學界足球甲組季軍戰 毅智vs元朗公立全場精華:
https://www.youtube.com/watch?v=LU4xB0LePwI
標籤: 毅智  學界足球  元朗區  

留言


請按此登錄後留言。未成為會員? 立即註冊
    快捷鍵:←
    快捷鍵:→