【唔用代母】恭喜哂!女友誕下愛女,C朗第四度做老豆喇!

森美爾足球勝地 於 13/11/2017 發表 收藏文章
C朗ig宣佈再做老豆!好鍾意小朋友嘅C朗,本身已經係三個小朋友嘅老豆。唔同嘅係,以往三名小朋友,包括大仔及一對龍鳳胎,都係由代母所生。今次可以話係第一個由C朗同女朋友生嘅「蘇蝦」喇!

loading
C朗上載全家幅照片,好溫馨!

西班牙時間11月12日夜晚,C朗喺馬德里一間醫院陪伴女朋友Georgina Rodriguez,誕下愛女Alana Martina,C朗隨即喺個人instagram帳戶上分享呢個喜訊!照片裡見到,「C朗嫂」精神唔錯,手抱愛女躺臥喺床上,而C朗同大仔就著住防菌衣物喺愛人身邊,場面十分幸福!

C朗喺instagram話:「Alana Martina出世喇!Geo(女友)及Alana好厲害!我哋都非常開心!」

今次係C朗第四度做老豆,大仔Cristiano Ronaldo Jr.今年七歲,仲有一對龍鳳胎Mateo和Eva於年中出生,但C朗一改以往搵代母生仔嘅風格,今次終於由「正印」誕下愛女喇!恭喜哂C朗!

留言


請按此登錄後留言。未成為會員? 立即註冊
    快捷鍵:←
    快捷鍵:→