[WKD手記] - 救星

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/




曼聯因為缺少左兩大中鋒所以被迫於改變現有踢法,其實適應期都未過盧卡古就已經復出。據聞佢係對愛華頓嘅時候已經有十足狀態可以落場,甚至想正選上陣,不過為左佢健康著想於是俾佢休息多一場。聖誕快車差唔多結束,球員狀態有起伏實屬常事,最緊要係加埋嘅表現足夠為球隊贏波而回。對上一次曼聯贏一球以上已經係十二月頭客勝阿仙奴嘅事,近兩仗淨贏兩粒兼不失球,雖然沿途不乏驚險鏡頭,不過都叫做重返正軌丫。


第一個救星梗係弗到漏油嘅連加特喇,唔單只入左幾球世界波,仲要球球都咁關鍵,唔係打破僵局就係鎖定勝局,一啲水份都無,難怪以八成得票率拎左曼聯十二月份最佳球員。

除左數字之外,大家都應該感受到佢為走下波嘅隊友注入唔少正能量。無論狀態有幾差、場波有幾唔順,都好少可會見到佢埋怨隊友,如果有腳波處理得唔好佢會即刻收拾心情,準備好下一個機會。由於其他攻擊手各自陷入信心難關而踢得愈黎愈差,球迷開始發掘到佢嘅長處同特點。自從連加特對曼城踢攻擊中場後,發現盧卡古可能最鐘意佢踢呢個位。即使係TOP弗嘅米希達恩,對盧卡古嘅支援都非常有限,兩人配合場面甚少。連加特出道至今雖然成日俾人話足球智慧低,但最近證明由佢上腳打嘅反擊非常有效率,處理最後一腳亦比以往成熟左好多。當然佢有個隱藏功能就係可以令普巴踢高半班波﹐因為佢地默契好到唔使點望都知道對方走位路線,係遠射之外俾普巴多一個選擇。

普巴當然就係我地嘅救星二號。被史高斯評價完佢應該要踢前啲﹐摩帥又真係作出呢個改動,可能佢都察覺到普巴係中前場最有能力創造奇蹟同最唔受壓力影響嘅人。減少左回防(其實連加特經常幫佢做跑腿)後,佢有足夠體力專心做波,即使佢係前場失波都無咁容易俾人打反擊,最重要係馬迪唔使下下同佢平排壓上去,長遠黎講對兩個有著數。無論係攻防都擁有全隊自由度,接近有特權嘅普巴最近表演真係回勇唔少,帶動返成個中路進攻同控球,睇落去好似贏波兼贏中場。佢係好波但絕對唔可以忽視作為中場大腦有捨易取難嘅壞習慣,尤其體力下降時成日造成失誤送左粒波俾對手攻,呢啲畫面最常發生係六十分鐘至八十分鐘,稍一不慎就斷送三分。另外就係佢已經成為左代隊長,係時候要係關鍵時刻提點、鼓勵隊友﹐要比而家再多啲同隊友嘅交流。大家似乎接受左華倫西亞比較內歛沈默﹐但普巴唔同呀,佢有種令人期待佢俾指示俾意見嘅感覺。


係充斥住超新星嘅世代,佢地已經唔算好後生,準備踏入當打之年。成唔成到材就睇佢地做化,但見到兩個青訓上位仲要咁帶得起隊波,已經係今季嘅禮物。


============
想唔想每次返屋企都可以見到費SIR?或者將費sir嘅經典時刻日日掛係身邊?如欲訂購「RS費格遜鎖匙扣」 同埋 「RS費SIR時間鎖匙扣」請詳閱: https://goo.gl/XVBs4W
============
如欲購買曼聯官方產品,可到RS與曼聯官方網店United Direct合作的連結: http://bit.ly/RoyceUD
============
IG: https://www.instagram.com/roycesports_mu.fergie/


Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
  • Ming Wa Lee
    Ming Wa Lee 於 13/01/2018 評論 NO. 1

    格格巴巴好波...華舒福要加油啦

  • Ming Wa Lee
    Ming Wa Lee 於 13/01/2018 評論 NO. 2

    格格比起以前成熟左好多

  • Louis Lou
    Louis Lou 於 13/01/2018 評論 NO. 3

  • Now Tv 網上銷售部 優惠專線 51878922
    Now Tv 網上銷售部 優惠專線 51878922 於 13/01/2018 評論 NO. 4

  • JO Cheng
    JO Cheng 於 13/01/2018 評論 NO. 5

    好似入親都係靚波

  • Keith Pang
    Keith Pang 於 13/01/2018 評論 NO. 6

    下下靠一個半個solo都唔係路,要打返個form出嚟先得

  • chango
    chango 於 14/01/2018 評論 NO. 7

    最後嗰句好啱,成不成才就靠佢地,天份技術身體質素視野,通通都有,有成為世界最強中場嘅條件,不過普巴要成為最強就要靠自己,無人幫到佢,希望佢吾好浪費禁好嘅條件

  • Gary Cheng
    Gary Cheng 於 14/01/2018 評論 NO. 8

    如無受傷,應該今年英軍世界盃成員

快捷鍵:←
快捷鍵:→