[K11出品] 曼聯K角度 – 重現精彩的紅藍大戰

今晚我地會推出一個有獎問答遊戲, 記得要時刻留意我地既page!
https://www.facebook.com/RoyceMU/
仲會有大量轉會消息,直播 link,賽後分析/評分,精華,個人精華,曼聯點將錄等,你仲唔快d like?

快d入黎參加Royce sports 真.曼迷 開心Share :有獎問答遊戲啦!
http://on.fb.me/1Pw86aO

猴年快樂, 心想事成, 曼事勝意, 我K11先同大家拜一拜年, 剛過去的這場車路士主場大戰曼聯, 剛巧於大年初一深夜開波, 相信一眾球迷都要為行花市或睇波作出決擇, 而我K11最後選擇左行完花市趕番黎睇波, 與大家一齊觀賞到呢場精彩既大戰。老實講, 希丁克執教車仔後, 班球員醒晒, 暫時希丁克仍然保持不敗, 而且車仔主場一向不是易踢, 對剛剛復甦, 被人不斷叫睇多幾場既曼聯黎講, 係一個大挑戰, 幸好2隊未有如2個多月前既一場0:0悶戰, 今場2隊開放式進攻, 結果戰果也是平分秋色, 雙方發揮都非常好, 讓我K11帶大家重現此精彩的紅藍大戰。


出場陣容算依舊不變, 其實起初有點兒擔心體力問題, 繼續邊說邊講吧, 龍門迪基亞, 後衛由右至左分別是迪米安, 史摩寧, 白蘭特, 積臣, 防中改為復出的卡域克, 而沒有於傳聞中冬季轉會窗離隊既費蘭尼則繼續正選, 攻擊線以連加特於右路, 馬達於10號攻中位置, 馬素爾繼續於左路, 朗尼則續任單箭頭。
( 大家唔洗估, 唔洗插我懶, 係, 我應, 咪就係同上場一樣既出場名單囉, 難得既係, 此陣容已經接近用了3-4場, 但體力上仍然未見有太大問題……….)


上半場既迪基亞其實要到28分鐘先有一次撲救, 馬迪接應角球頭鎚攻門, 迪基亞飛身撲救一包入懷, 此球也是為迪基亞今場其後精彩演出做熱身, 其實31分鐘哥斯達已經顯出其威脅, 接應奧斯卡直傳邊走邊射僅僅斜出, 迪基亞已經沒有反應。


不過要到下半場, 才是迪基亞既表演時間, 由於曼聯於60分鐘已經領先, 車路士其後30分鐘也展開猛烈進攻, 67分鐘, 車路士一次傳中到曼聯後防右邊小禁區位置, 達米安與艾斯比列古達爭頂後, 伊雲奴域助攻左腳凌空窩利抽射, 此射球其實可與施丹當年歐聯既車身窩利相比, 但禁區內既窩利卻竟然被迪基亞單手救出, 反應之快令人不寒而慄, 4分鐘後, 又是禁區內, 今次到左邊小禁區邊, 法比加斯抽網頂可惜又被迪基亞救出, 可惜曼聯到了91分鐘終於失守, 哥斯達面對迪基亞與積臣冷靜扭過後射空門, 今次迪基亞也無能為力了, 不過未完………95分鐘, 哥斯達扭過史摩寧射近柱又被迪基亞救出……..以上所講既3個撲救, 我K11夠膽講都係頂級既撲救黎, 否則車路士絕對有權全場共射入4球之多……………..要不是迪基………


後防方面, 右路既達米安今場繼續表現穩定, 基本上單對單都並不是容易扭過他, 其中曾經正面攔截哥斯達, 奧斯卡, 夏剎特等等的盤扭, 而且上半場43分鐘既地波傳中也非常有威脅, 達米安已成曼聯後防一大信心保証了。


左閘方面, 積臣今仗好壞參半, 壞……..其實也說不上全是他的問題, 因為以積臣既年紀, 經驗要面對當FIT既韋利安, 談何容易, 不過34分鐘被完全騙過就比較難睇少少, 其後又要面對柏度此類盤扭型球員, 幸好不算太輸蝕, 其實馬素爾缺乏一定既助守仍然是有一點點問題的, 幸好不是太大。而哥斯達射入一球, 可能不少球評家會認為積臣包了越位要負上最大責任, 係, 責任雖有, 但不致最大, 需知道該失球最大責任是一對中堅的位置。好既方面, 當然是他放膽助攻後既力量, 開波7分鐘已經放膽一個遠射, 可惜被古圖斯沒收, 而60分鐘既入球便是由積臣出地波引致, 如上篇文章所言, 曼聯2閘既放膽助攻對球隊進攻有很大的幫助, 不要害怕, 即管去吧。


一對中堅, 先講史摩寧, 今仗其實釘住哥斯達非常稱職, 多次成功既補位, 攔截也做得漂亮, 可是所失一球, 看看哥斯達身旁是沒人看管的, 史摩寧被引了出外, 忘記了他主要的目標其實仍是哥斯達而令此失球出現, 實在是一個大意。另一中堅白蘭特, 所失一球由於當時同時有哥斯達與泰利, 他被引開了是事實, 所以此失球最大責任是一對中堅的誤會, 其餘時間其實白蘭特也不錯, 上半場完半場前, 便是由佢不要命的飛身擋出泰利既射門, 雖然有手球之嫌但的確是擋出了, 而且其實大家可能會忽略, 今場波車路士所獲得既角球, 其實有幾次是由於車仔球員攻門被白蘭特攔截而出了底線, 所以也不要忽略了他的努力, 再者, 他的視野其實有明顯既進步, 可惜卡域克有教路吧。( 雖然始終唔明點解都係要由佢黎開角球……….)


防中方面, 卡域克今仗繼續表現穩定, 經驗之老道的確是重要寶藏, 曼聯已與他相商續約事宜而且包括完約後加入教練團既事項, 希望成事吧。費蘭尼方面, 今仗我K11覺得比上仗演出有進步, 39分鐘接應角球頂斜是今仗最大威脅攻門, 其餘時間都專心做防守, 有機會上腳時也看到有進步既表現, 77分鐘由舒拉達連入替。入替既舒拉達連, 由於之前狀態有些回落, 被貶後備, 今仗由於領先了已入替加強中場防守, 表現不過不失吧, 希望盡快恢復狀態吧。


左翼既馬素爾今仗顯示其威脅, 不斷於左路突破, 17分鐘便再次切入射門死角可惜被古圖斯救出, 不過車路士似乎對其有針對性防守, 情願讓馬素爾推入中路而防止佢爆落底線出波, 令其威脅減少不少, 60分鐘再次重施故技切入射門不過近柱唔中龍。


進攻中場既位置, 結果雲高爾繼續讓馬達出任, 而希丁克都不敢輕視, 用米基爾專人自管, 多次看到米基爾形影不離的跟著馬達, 影響其發揮, 不過火熱就是火熱, 所入一球其實跟上仗模式一樣, 馬達傳交積臣再出波, 希望馬達維持狀態吧。91分鐘入替馬達既靴里拉無發揮時間……….尾段我K11又有野講了。


右路既連加特, 繼續搶得正選席位, 繼上仗取得入球後, 60分鐘今仗再次入球, 而且由控定, 轉身再抽死角擦柱入網, 整套動作可以用完美來形容, 証明其狀態不錯, 但老實講句, 叫佢射多次都未必射得番…………而其實入波前於52分鐘已經有一個有威脅射門可惜被古圖斯救出, 及64分鐘既窩利抽射僅僅高出, 85分鐘由迪比入替。迪比入替後, 位置被安排於右路, 雲高爾有睇我K11既文喎, 唔會因為遷就迪比而令馬素爾最有威脅既左路放棄 不過…….迪比繼續無什表現, 其中有一球反擊更加是自我浪費………7號的壓力真的很大嗎?


正箭頭既朗尼, 今仗目標太大了, 但其實仍然有不差既表現, 49分鐘既射門向著死角進發但被古圖斯救出, 74分鐘既倒掛有點姿勢睇下, 實際就無既, 而94分鐘扭過伊雲奴域再笠射雖然未有太大威脅, 但明顯信心真的慢慢回來, 但我們不是只看這些, 作為單箭頭, 而且面對車路士由泰利, 蘇馬及馬迪既品字防守, 要控定皮球已不易, 而朗尼都很勤力去做好這位置, 而且更有參與防務既工作, 回後搶波後也能成功交到隊友腳下而不是令球隊行軍拖慢, 希望下場面對新特蘭可以回復2016年既入球率。


今場賽事, 明顯見到曼聯於開賽接近頭半小時, 都能以反客為主既氣勢令車路士要縮後以突擊應戰, 其實明顯見到曼聯球員既信心真的回來了, 放膽了很多, 而且行軍速度也加快了, 今仗曼終既賽果是賽和, 其實都相當合理, 看到以上球員分析, 迪基亞是多次既重要撲救, 而其實車路士既古圖斯都有不少的重要撲救, 2隊射門次數相若而總數達三十多次, 看到此場賽事是多麼精彩。雲高爾今場派出馬達而收起靴里拉, 明顯是相信馬達既火熱狀態, 而雲高爾其實是搏贏了, 曼聯也成功反客為主, 不過於60分鐘領先後既調動, 我K11卻是不敢恭維了。( 可能是傑斯決定的調動來, 但我K11會照直話說 )



即討區時我也有提及, 曼聯於65分鐘左右是需要換人的, 而雲高爾換了人, 由舒拉達連入替費蘭尼, 我K11是有點錯愕的, 除非費蘭尼有傷在身, 否則便是雲高爾做功課不足, 車路士當落後時, 尾段一定是將後防中堅推前及以高空攻勢做初試, 再以法比或韋利安既直線地波作突破, 如果費蘭尼仍在場, 高空攻勢不怕了吧? 倒不如收起卡域克吧! 這調動也勉強說得過去, 可能要留卡域克作突擊既穿越球, 哪麼, 靴里拉入替馬達的調動呢? 既然要做突擊, 用靴里拉便足夠了, 馬達既速率也下降, 何不換入靴里拉, 讓馬達休息一下, 也可以讓靴里拉串連中前場, 70分鐘左右便應該做此調動了, 明顯是保守, 不敢改變今仗以馬達為10號位置的戰術, 但91分鐘才來改變, 有何用? 迪比既出場, 雖然效果帶黎被追平, 但客觀一點, 是正常的, 因為迪比正好用於突擊, 但配合靴里拉來放波俾佢會否好一點呢? 雖然結果迪比也可能是浪費…………….少年, 你知道得太多了…………..


雖然補時被追平是非常可惜, 但是今仗有一球靚絕入球, 而且整場賽事曼聯踢得很好, 令呢場大戰不致於褪了色, 重現一場以往既精彩紅藍大戰賀新春。在此感謝各位支持K11文字直播與即討區既朋友仔, 下星期六再見!!!


今晚我地會推出一個有獎問答遊戲, 記得要時刻留意我地既page!
https://www.facebook.com/RoyceMU/
仲會有大量轉會消息,直播 link,賽後分析/評分,精華,個人精華,曼聯點將錄等,你仲唔快d like?

快d入黎參加Royce sports 真.曼迷 開心Share :有獎問答遊戲啦!
http://on.fb.me/1Pw86aO
標籤: 曼聯  車路士  英超  雲高爾  連加特  迪基亞  奧斯卡  

留言


請按此登錄後留言。未成為會員? 立即註冊
  • hojan747 於 09/02/2016 評論 NO. 1

    都唔係史12 係個年輕球員

  • 車仔狂迷 於 09/02/2016 評論 NO. 2

    根本係一個手球啦 😂

快捷鍵:←
快捷鍵:→