牛扒仔同你評一評:曼聯 vs 李斯特城

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

今仗賽前被喻為係一場有機會迎接歷史性一刻既賽事,對方李斯特城只要全取3分就能歷史性封王,而曼聯亦需取勝保持爭4希望。綜觀全場,的確係一場頗為精彩既賽事,雖然2個入波都係早段發生,但雙方具威脅既攻勢依然頻頻發生,和波亦屬合理戰果。但以扒仔作為曼迷既角度,除左早段失波前踢得較好外,其餘時間都稍處下風,若對方把握力較佳,的確未必可以和局收場。


正選陣容 (4-2-3-1):
                            迪基亞
華倫西亞     史摩寧      白蘭特     洛荷
              卡域克            費蘭尼                     
     連加特            朗尼            馬素爾
                         拉舒福特  
入球
曼聯:馬素爾 8’
李斯特城:摩根 17’


扒仔心目中曼聯最佳球員:馬素爾--7.5分

正選評分
迪基亞 (David De Gea)--6分:今場佢吾算好忙,被摩根頂入既一球距離太近,佢做吾到太多野;之後對方既多次嘗試一係吾中龍一係太正,雙鎚打岀對方馬列斯既勁射算係失波後最驚險既一球。


華倫西亞 (Antonio Valencia)--7分:係右路多次發難並落到底線,成功助攻馬素爾攻入對方大門,可惜之後佢既傳送吾可以再次轉化成入波;防守上亦算吾錯,守住對方舒洛比既射門頗令扒仔深刻。


史摩寧 (Chris Smalling)--7分:表現一貫地穩健,冇好似上場咁荒失失,對方烏路亞冇太多機會直接面對龍門,進攻上亦有一次直接頭鎚攻門頗具威脅,可惜僅僅斜岀。


白蘭特 (Daley Blind)--6.5分:失波後防守上開始緊張起來,連身形單薄既岡崎慎司都帶到麻煩畀佢,幸好冇大錯發生;此外佢依舊積極參與進攻,有時甚至比朗尼踢得更前,但扒仔見到佢傳球大多都較保守,主要傳畀馬素爾與洛荷,戰術單一亦令對方較易防守。

洛荷 (Marcos Rojo)--5.5分:踢得十分吃力,對對方馬列斯既進攻毫無辦法,加上森遜既插助上攻更令佢徬徨失措,死球上多次就甩摩根,其中一次就做成失波,這或多或少影響到佢進攻上既質素,幸好馬素爾既威脅牽制對方先令佢有機會參與進攻,但到後段吾知係咪太攰,連進攻亦少左參與。

卡域克 (Michael Carrick)--6分:扒仔見到佢今場掂波機會都幾多,但可能因為戰術問題,佢多數都向左右傳球,以前既向前穿越球吾知去晒邊;防守上雖然冇乜問題,但趨年紀漸增,比賽後段佢都冇乜氣追波。


費蘭尼 (Marouane Fellaini)--6.5分:今仗佢既表現的確冇之前幾場咁耀眼,進攻節奏慢左,犯規都多左;但佢基本既制空能力非常岀色,無輪進攻定防守角球、左右岀波等佢都搶到點,隨後因需加快進攻節奏被靴里拉入替。


連加特 (Jesse Lingard)--6分:陣地戰顯然吾適合佢既打法,相信今場佢令球迷們同扒仔深刻既就係上半場早段既一次施射,同埋疑似被對方森遜拉跌既一次單刀反擊,呢d都係反擊中既表現;佢個人突破能力欠佳,射術亦欠奉,睇黎佢仲有好大既進步空間。下半場被馬達入替。


朗尼 (Wayne Rooney)--6.5分:改踢中場後扒仔覺得佢十分稱職,幾乎成為box to box既中場,亦有遠射機會,轉邊亦十分到位,一次往禁區內既傳送差點助攻史摩寧,但呢類既傳送十分少有,將來可能需要增加呢類威脅傳球。


馬素爾 (Anthony Martial)--7.5分:依然係曼聯既進攻核心,早段聰明地走到遠柱無人地帶接應華倫西亞傳送先開紀錄,扒仔發現佢多左係中路組織攻勢,但質素仍有待改善;這亦影響佢突破既次數及質素,而且容易與拉舒福特疊位。


拉舒福特 (Marcus Rashford)--5分:今場佢面對對方2個高大既中堅,幾乎完全隱形,而且中場球員畀佢既供應又吾多,以致踢得頗為辛苦;最後被迪比入替。

替補評分
馬達 (Juan Mata)--5.5分:入替連加特,組織力立即被增強,一次直線傳送差點令拉舒福特成單刀攻勢。


靴里拉 (Ander Herrera)--5分:入替費蘭尼,相對馬達佢就發揮平平,主要亦受到對方2個高大中堅所影響。

迪比 (Memphis Depay)--5.5分:入替拉舒福特,頗為生猛,一次左路突破令對方真禾特領第2面黃牌離場。


雖然曼聯成功阻止對方係奧脫福封王,但亦意味住曼聯爭4變得十分渺茫,當最低要求都達吾到既時候,吾知會吾會代表雲高爾既“魷魚香味”越黎越濃呢?


Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

留言


請按此登錄後留言。未成為會員? 立即註冊
  • Jenosu 於 02/05/2016 評論 NO. 1

    你冇睇波都做下research先出文呀
    上場都同你提講應該係打緊4-1-4-1陣式
    今場當地電視台出場陣容都係4-1-4-1
    你又話係4-2-3-1
    唔該專業少少好唔好...

  • Jenosu 於 02/05/2016 評論 NO. 2

    提過

  • Rex Yu 於 02/05/2016 評論 NO. 3

    如果你有睇場波, 你冇可能比Rooney 6.5分
    佢傳失左幾多球冇壓力下既波?
    有遠射機會, 係軟射囉好唔好?
    成場波其實係Rooney影響曬ManU既表現!
    絕對唔贊成你比既分

快捷鍵:←
快捷鍵:→