牛扒仔同你評一評:曼城 vs 曼聯

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書等,你仲唔快d like?

今場與其話曼聯踢得好,不如話曼城太頹以及欠運。上半場雙方其實互有攻守,對方拿華斯不斷於右路發難,但總係抓吾住機會,反而拉舒服特精彩既“一過,一cup,一射”收死祖赫特,曼聯亦乘勢繼續搶攻,可惜吾能夠搵到保險球。下半場曼聯換走馬達後開始死守,曼城亦開始狂攻,阿古路近門頂中柱,邦尼屢次頭鎚攻門,都令一眾球迷禁爆平安鐘,幸好勝利女神始終冇離我地而去,令曼聯近三次作客伊蒂哈德首次全身而退。


正選陣容 (4-2-3-1):
                        迪基亞
達美安     史摩寧      白蘭特     洛荷    
         舒拉達連          卡域克    
     馬達         連加特         馬素爾
                     拉舒福特
入球
曼聯:拉舒福特 16’

曼聯最佳球員:史摩寧--8分
正選評分

迪基亞 (David De Gea)--6.5分:今場岀乎意料地撲救機會吾多,除左上半場撲岀拿華斯既射門外,難得清閒,當然亦與中堅既岀色發揮有關。


達美安 (Metteo Darmian)--6分:右路防守上依然係世界級,史達寧傷岀後連零聲威脅都撤底抹殺,可是扒仔之前既文章一路都提到佢進攻上較參差,除左一次差點助攻拉舒福特梅開二度外並冇太多參與進攻,轉守左路後連防守都開始岀現瑕疵,最後用盡氣力抽筋被科素文沙入替。


史摩寧 (Chris Smalling)--8分:完全發揮大佬寧本色,全場高頂低鏟,幾乎封鎖對方阿古路既發揮空間,對方高達26次射門卻只有3中佢攻不可沒,佢岀色既表現帶領整條後防線既表演提升,成功零封對手。


白蘭特 (Daley Blind)--7分:扒仔終於係對面搵到個比佢更差既中堅啦…講笑姐。由於拍擋史摩寧表現岀色,連帶佢既表現都提升起來,雖然仍偶有失位,但起碼團火搭夠,扒仔今場第1次見到佢呼喝隊友;唯開角球技術依然欠佳,有時斬吾斬得起都成問題。

洛荷 (Marcos Rojo)--6分:今仗佢既進攻機會比之前少,因對方拿華斯給予佢極大壓力,幸好除早段有點不知所措外,左路既防守尚算穩健;下半場被華倫西亞入替。

舒拉達連 (Morgan Schneiderlin)--7分:千呼萬喚下終於回歸正選,成為球場上既無名英雄,主要限制對方耶耶托尼既發揮,參與左入球既組職,上半場尾段後腳傳畀拉舒福特左路突破令扒仔非常深刻。

卡域克 (Michael Carrick)--6.5分:以隊長身份上陣,有回復上季岀色表現既感覺,轉注防守下為中堅以及兩閘包左吾少波,但參與球隊進攻既時間則較少。


馬達 (Juan Mata)--7分:發動以及助攻拉舒福特既入波,其餘岀場時間頗為活躍地組職有效攻勢,扒仔見到今場佢更多時間係前場攞波,其實只要佢更多係前場攞波就可以好大威脅,隨後被舒韋恩史迪加入替。
連加特 (Jesse Lingard)--6.5分:雲高爾刻意將佢同馬達既位置互換,換來既效果吾錯,上半場經常在中路突破,有時亦會重回邊路組職,令對方十分困惑;下半場進攻機會比較少,但協防上十分積極。


馬素爾 (Anthony Martial)--7分:於左路給予極大威脅,令對方拿華斯隨後亦吾敢隨意上前進攻;有幾次既遠射,可惜都被祖赫特化解;扒仔覺得佢既大局觀可以更進步,遠射前或許可以望望有冇更好既傳球選擇。

拉舒福特 (Marcus Rashford)--7.5分:面對對方迪米捷利斯精彩過掉後冷靜射入祖赫特,成為曼市打吡最年輕入球者,雲高爾畀佢好大既發揮空間,給予對方後防極大威脅,上半場被迪米捷利斯侵犯差點搏得12碼;完場前亦有抽筋跡象,証明佢亦已傾盡全力。


替補評分
華倫西亞 (Antonio Valencia)--5.5分:入替洛荷,表現平平,發揮機會吾多,但起碼穩穩陣陣,冇大失誤。

舒韋恩史迪加 (Bastian Schweinsteiger)--5分:入替馬達,表現有所回落,取得控球權後較難搵到合適隊友傳球。

科素文沙 (Timothy Fosu-Mensah)--N/A:入替達美安,好氣好力成功協助守住剩餘幾分鐘。


經過今場勝利,下星期將係國際賽週,扒仔希望受傷球員抓緊時間盡快康復,需要去國家隊報到既吾好受傷,完完整整咁歸隊,兩星期後繼續向前4進發!!



我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書等,你仲唔快d like?

留言


請按此登錄後留言。未成為會員? 立即註冊
  • lurk 於 21/03/2016 評論 NO. 1

    對,向前四進發!

快捷鍵:←
快捷鍵:→