英超三隊降班的熱門 （2）

第二隊就係韋斯咸

雖然韋斯咸依家暫時可以排係17位，不過只係比尾三既修咸頓僅僅多出3分。而令佢地護級形勢唔樂觀既最主要係佢地既賽程，係剩返7場比賽裏面，有5場都係對住排聯賽榜頭九名既球隊，相信能夠和波對韋斯咸已經係比較好的成績了。除此之外佢地三連敗的近況，加上球員欠缺鬥心亦令護級情況雪上加霜。

對比於早前談到的西布朗，韋斯咸的防守能力絶對係非常差，最近三場比賽合共失左11球，對住守強於攻同處於榜尾既般尼、史雲斯分別失3同4球。最大問題就係領隊莫耶斯的後防佈陣，首先是攻強於守、善於出波的基士維，一向司職左後防，不過在莫耶斯的領導下強行改造成三中堅之一。第二，係三中堅的情況下，左右中場必須要具備足夠頻率，能夠做到助攻助守，而年紀大的艾拉（36歲)同薩巴列達（33歲）絕對唔係好選擇，對利物浦（沙拿、文尼）就可以清楚見到，非常容易就比人係邊線突破。第三係陣容的穏定性，係最近三場比賽中三個中堅組合都唔同，只有基士維可以打足3場，試問球員之間欠缺默契，如何可以組織一條穏陣防線呢？所以韋斯咸如果要改善防守，有必要改踢回4後衞。
至於球員的鬥心同士氣亦比其他護級球隊差，除左近期頻頻入波的阿拿杜域外，基本上其他球員都冇咩鬥心，更有報導指出唔少球員係大敗般尼之後去邁阿密習訓期間，心情都十分輕鬆，旁邊更有比堅尼美女包圍，似度假仲多過操練。另外球迷經過最近幾場大敗後，亦開始不滿和變得不支持球隊，更有球迷在對般尼比賽期間衝入球場示威。

看來韋斯咸在領隊莫耶斯的帶領下，加上球迷對球隊的管理層又諸多不滿，外內皆亂的情況下實在很難及時反彈，唯有寄望前鋒線上「小豆」同「奧地利伊巴」可以係蘭仙尼的支援下繼續入波。