《 高普狂想曲之無中生有》冬季轉會懶人包 精選 推薦

有人話，細路仔一年中最興奮就係聖誕節同暑假；利迷童心未泯，異口同聲話佢地全年最期待係冬季轉會窗同夏季轉會窗。無他嘅，利物浦近年一直在「重建」，曾經豪擲一億英鎊購入球員，令人好不高興，結果領隊講句唔好意思，我地仲重建緊。

傷心事免提，依家我地有高普嘛！大家都期望佢會似喺多蒙特咁點石成金，將寂寂無名的球員搖身一變成為能登大雅之堂的一線兵，所以佢嘅第一個轉會窗，自然聚焦點十足。

當利迷們都苦苦等待一月來臨的時候，高普卻一再對外表示自己唔會為洗而洗，希望先好好發揮隊中球員。領隊率先預告一個平靜的轉會窗，難道利迷就不能再有所期待？高普："多謝大家咁信我！"
領隊在轉會期的言論當然令人半信半疑，最重要係利物浦仍有一眾可靠英媒同ITK（網路知情者）如常為大家帶來轉會消息！筆者特此制作轉會懶人包，為廣大利迷盤點分析一眾孰真孰假的緋聞對象！