【譯】高普:利物浦要做到無人想走

港紅講利 於 22/11/2015 發表 收藏文章
「史達寧係好波,但過咗去就過咗。你駛幾多錢唔重要,重要嘅係隊波齊心協力去踢。」


【譯/十一月二十日】高普堅稱金錢並不是足球的一切,並下定決心讓利物浦重振聲威,從而留住人才。

這位新任紅軍主帥於帶領多蒙特的七年間以有限資源挑戰拜仁,兩奪德甲冠軍和德國超級盃、收獲一個德國盃並打入一三年歐聯決賽,對蔗渣和燒鵝所知甚多。

今年四十有八的高普將於利物浦面臨同樣的困難,而他表示,週末作客曼城,面對藍軍的無限金錢亦無所畏懼。

(譯按:文章為曼城賽前所出)

今夏曼城以英格蘭球員最高身價紀錄的四千九百萬英鎊,從利物浦收購史達寧,顯示了兩軍財力的分野。利物浦最初堅稱史達寧為非賣品,但其後該新星拒絕新約,引起一場轉會風波,迫使利記作出讓步。

僅十二個月前,紅軍出售蘇亞雷斯予巴塞隆拿,重覆了「球星太大、出走球會」的命運,就如前任費蘭度托利斯、馬斯查蘭奴和沙比阿朗素的事件一樣,令人沮喪。

高普希望利物浦能夠成為球員的殿堂,而非跳板,並擺脫出售球星的命運。

「唔駛成日提住史達寧」

高普說:「我唔知史達寧單野嘅細節,不過呢啲故仔唔係第一次聽,

「就好似多仔時期嘅葛斯。球員想走,你留唔住,夾硬留黎都冇意思。所以你要諗點樣善用佢筆錢。

「球員嘅決心永遠都係最重要,所以,第一,我地要成為一間冇人想走嘅球會。然後你就會有人滿之患,呢個係我地最終嘅目標。」


「唔係冇可能架。咁曼市天氣都唔係好過利物浦好多唧!

「前路好長,但係我地開始行喇,唔駛成日提住史達寧。係嘅,佢係好波,大家都知,不過佢人都走咗,件事完咗。我地有其他好波之人,唔駛頭痕。」
「我最鍾意自己砌一隊波」

紅軍今夏於轉會市場投放了八千萬英鎊,但在曼城一億五千萬鎊的購物帳單下依然相形見絀,當中包括德夫、奧達文迪和從禾夫斯堡以五千四百萬鎊來投的奇雲迪布尼。

然而,高普面對油王向柏歷堅尼瘋狂注資未有眼紅。他歷來最大的收購為二零一三年從薩克達羅致的米希達恩,花了一千九百萬餘英鎊。他領軍的成功在於培育球員,而非收集成品。

高普說:「老實講,我最鍾意自己砌一隊波。

「但駛錢買人一樣得。我唔係因為冇錢買人所以先黎,唔係咁樣。」


那他會花五千萬在一個球員身上嗎?

他說笑道:「千五萬定五千萬先?

「如果你鍾意足球,其實冇理由唔買人。我會唔情願,但如果我地想要個人,佢要咁多錢,都唔係唔得。

「當然啦,最好係你陣中有球員值一億,而佢又唔想走。最好係咁,我地想第時利記係咁。但當其他球會有呢個福份,我都冇乜問題。」

「成日講錢,就唔會諗培訓球員」

上月高普上任,提到英格蘭足球的「紙醉金迷」。他相信多蒙特於一一、一二連續兩年於拜仁手上奪得聯賽桂冠,顯示了金錢並不絕對代表成功;而紅軍可向聯賽領前的曼城發起挑戰,拉近九分差距。

「我最鍾意足球嘅係:落到場點都有得踢,」高普如是說:「你駛幾多錢唔重要,你有幾出名都唔重要,重要嘅係隊波齊心協力去踢。就好似多蒙特歐聯喺對住曼城,一勝一和。佢地錢係多啲,但唔重要。

「我黎咗英國六個禮拜,呢度成日都講錢。喺德國,只有兩間球會有時會講下錢。因為除咗拜仁之外,冇乜邊隊有條件講,所以唯有比心機踢。」

https://www.youtube.com/watch?v=vVWaQQc-NPA

「你成日講錢,就唔會諗培訓球員。老老豆豆,你有得買,仲做乜要培訓先?

「你地(英格蘭)咁諗冇乜壞,只係唔同唧。不過我唔係黎講錢,我係黎幫隊波升級。錢只係成功嘅一部分,其餘嘅係努力。我地需要努力,曼城唔關我地事。我唔知你想寫乜,有錢定係冇錢?我唔知。

「但星期六場波未有賽果,仲有得踢,咁就夠喇。其他野我冇乜興趣。」

「我地唔係最屎波嘅」

國際賽期,香港痛失兩分;而較早之前,利記於主場被水晶宮擊敗。高普認為球隊已經重整,同時間,占士米拿和佐敦艾比相繼復出,史度列治則全面復操。
作客史丹福橋全取三分依舊記憶猶新,高普則希望再下一城,自零八年降再於曼城球場報捷。

高普補充:「依家球會嘅方向正確,我地計劃緊好多野。

「隊波漸入佳境。對曼城黎講,今場唔係易踢,我地唔係最屎波嘅。

「當然我地有力爭勝。係,我地上場輸咗,不過表現唔差,對手都知我地狀態幾好。」

************

譯:元朗謝四

原文及圖片來源:利物浦回聲報

http://www.liverpoolecho.co.uk/sport/klopp-liverpool-fc-must-become-10476139
(Original article and photos : Liverpool Echo)
標籤: 高普  曼城  史達寧  金錢足球  

留言


請按此登錄後留言。未成為會員? 立即註冊
  • cupido 於 22/11/2015 評論 NO. 1

    4-1

  • poken1917 於 22/11/2015 評論 NO. 2

    史達0都話過如果高普早D黎佢就唔會走,羅渣士真係好廢,高普用佢隊波打出黎既效果完全唔同

  • leglessbird 於 22/11/2015 評論 NO. 3

    無人想走 包唔包括佢自己先

快捷鍵:←
快捷鍵:→