【曼聯Talk】Throwback Derby:就係要呢種求勝心

曼聯Talk 於 22/05/2018 發表 收藏文章
【Throwback Derby:就係要呢種求勝心】

賽季完左無咩做梗係要回味下今季嘅比賽啦,其中一場相信大家都會好印象深刻嘅係4月份曼市打吡。

雖然曼城已經分數上大大拋離我地,但曼市打吡意義又點止3分?

上半場再一次角球俾曼城隊長甘賓尼頂入,然後再被根度簡瀟灑入波,輸到0:2,當時半場我同GERMAN仲即刻忍唔住半場開直播同大家一齊傾,球隊搞成咁,有冇搞錯!?


之後嘅事,大家都好清楚,居然由上半場發緊夢嘅普巴連入2球,再由史摩寧射入反勝1球⋯⋯就算今日我依然唔會認為呢一場波係好感動我嘅比賽,因為上半場表現實在太災難性,如果唔係對家史達寧幾次送大禮無射入3:0/4:0,分分鐘出現比6:1更難睇嘅比數。

https://www.youtube.com/watch?v=sf0zt-e-KaU
但今日再睇返,我又多左一種體悟:曼聯要攻果陣,其實都可以有睇頭,只係決心足唔足夠。對比返禮秤六晚對車路士嘅足總盃決賽,大家唔使睇返晒2場比賽,淨係憑印象、感覺,先唔好講曼城贏緊2球時防守較用返大巴陣對付我地嘅車路士放鬆,我地自己喺進攻時副TURBO究竟開得有幾盡?


我感覺係禮拜六隊曼聯好想追返一場,但又好驚失左控球會再失波,但結果出到黎其實好幾次俾車仔搶斷後,夏薩特1個都舞到班後防慌晒,但除左技術我認為更大係信心不足,史摩寧搭鍾斯最大問題就係信心唔夠,同對上一PAIR組合里奧、維迪,大家就明白我所講佢地差甚麼。

我好希望見返多啲有「破斧沉舟」精神嘅曼聯,進攻需要有控球,但同時都需要冒隊精神,作一啲大膽突破、傳球,失左咪再搶返,總好過一直猜波但毫無威脅,有個假象贏晒控球壓住黎打,但其實自己呃自己

紅魔仔
————————————————————————————————
曼聯Talk,一個專屬曼聯球迷的平台,同你一齊傾,一齊講曼聯嘅嘢!
曼聯Talk Facebook 專頁:https://www.facebook.com/redeviltalk/?ref=bookmarks

標籤: 曼聯  

留言


請按此登錄後留言。未成為會員? 立即註冊
    快捷鍵:←
    快捷鍵:→