連續3季第9位後 , 今季成績不進反退的史篤城 文字

藍斯有波講波於 14/05/2017 發表 收藏文章
如果4是代表阿仙奴的數字 , 那麼近幾年最能代表史篤城的數字應該是9了 , 今季是史篤城自2008年升班後在英超的第9個球季 , 而近三季他們最終英超排名也排在第9位 , 雖然今季他們已早早脫離降班威脅 , 但相信近況低迷的他們 , 要連續四季取得第9位相信難度極高 , 不是成績突出超出第9位 , 而是聯賽成績倒退跌出前9 !

現時他們以41分排在聯賽榜第13位 , 離第9位的修咸頓相隔4分距離 。值得一提英超最後一輪 , 修咸頓將會主場迎戰史篤城。

史篤城本週的對手為努力搶回前四位置的阿仙奴 , 阿仙奴近況氣勢如雄 , 連續擊敗曼聯和修咸頓 , 而史篤城近10戰只取得2勝3和5負的成績 , 勝的兩場比賽對手也為現在降班區中的候城和米杜士堡。

(對上一次客場比賽勝利 , 已是英超第21輪對新特蘭的比賽了)
對比主場還算可以的成績 , 客場成績是史篤城的致命傷 , 他們對上一次在英超客場取勝已要是4個月前了 , 近5場客場比賽只取得2分和入2球 ! 多少也令跟隨球隊客戰的球迷失望而回 。

作為擴軍中的球隊 , 近兩季史篤城也投資也愈來愈大 , 而今季扣除轉會收入 , 單是在轉會市場的淨投入也接近3000萬歐元 , 近兩季的收購中除了祖阿倫和沙基利比較成功外 , 其餘大部分收購的成效也是比預期中低 , 從葡超黑店波圖轉投的中場恩布拿 , 2000萬的轉會費成為球會史上最貴的收購 , 但加盟短短一個半球季 , 已傳聞他會離隊 ; 而球隊的前9號球員 , 西班牙前鋒祖斯路已租借重返西班牙 , 加盟拉科魯尼亞 , 但穿上他球衣的新將比拉希奴 , 看來連霉氣也帶上身。

史篤城在一月外借前鋒保贊到德甲後 , 以為"執到寶"從西布朗收購的比拉希奴 , 但這位射手在今年1月加盟後至今仍未"開齋"取得入球 , 他的不入球紀錄已增至16場 , 已從正選轉為後備了。

回到今季的表現 , 主力傷兵嚴重是一個問題 , 中場艾利蘭在上年5月時在操練時斷腳後養傷一年至今仍未復出 ; 一號門將畢蘭特更慘 , 在上年3月的國際賽中受傷至上月底才正式復出 ; 已成玻璃人的阿費利今季同樣受傷患困擾已提早收咧; 另外兩位主力甘馬倫和格連莊臣同樣受傷患困擾 , 缺席不短的時間 。

而最新加入傷兵名單的有今季表現出色的祖阿倫 , 現時他以6個入球和阿拿奧杜域並列隊中神射手 , 對陣阿仙奴的比賽他上陣成疑 , 另一位中場查理阿當同樣受傷。

球員不穩定同樣也是球隊倒退的關鍵 , 對戰利物浦兩回合的比賽 , 他們有過一剎那光輝 , 兩戰也是先入球後被紅軍反勝 , 首戰4-1被紅軍大層殺 , 次回紅軍兩位巴西球員古天奴和費明奴連砍兩刀2-1極速反超前 。

球隊三位主力球員阿拿奧杜域 , 沙基利和迪奧夫表現比起上季也有所回落 , 前者雖然今季入球少了 , 但"火氣"十足 , 9張黃牌1紅牌為他球員生涯單季新高 ; "瑞士美斯"沙基利今季初則受傷患困擾 , 影響表現 , 但他的留隊對於球隊而言算是一支強心針 ; 前鋒迪奧夫在上輪對陣般尼茅夫的比賽中"開齋" , 終取得今季第一個聯賽入球 , 但比起他前兩季的表現可算是愈踢愈差。

曉士有心無力 , 但是史篤城主場對陣阿仙奴的成績還是不錯 , 近五次主場對戰阿仙奴也能取分 , 成績2勝3和 , 而愛爾蘭射手禾達斯近5次在不列顛尼亞球場對戰阿仙奴取得3個入球。難怪阿仙奴領隊雲格表示這場比賽他們不會掉以輕心 。

有壞消息也有好消息 , 之前傳聞離隊會加盟紐卡素的隊長梳爾哥斯 , 球員方面已證實消息是假的 , 和球隊還餘下一年合約的他 , 相信續約機會很大。 同樣有機會得到續約機會的還有艾利蘭 , 領隊曉士表明會和球員共患難 , 而隊中三位球員阿費利 , 高治和格連莊遜也已和球隊續約 ,

而最新和史篤城傳出緋聞的是車路士球員查奧爾 , 他今季外借至阿積士表現優異 , 在荷甲已取得13個入球 , 更帶領球隊殺入歐霸決賽 , 相信史篤城要得到這位翼鋒絕不容易。



請支持百分百香港出品的原創足球文章 - 藍斯有波講波 , 你的支持,我的動力
https://www.facebook.com/ramsdiscusshk
標籤: 史篤城  沙基利  比拉希奴  

留言

會員
我要評論
請按此登錄後留言。未成為會員? 立即註冊
  • 藍斯有波講波
    藍斯有波講波 於 14/05/2017 評論 NO. 1

    有少少驚變邪Post

  • Francesc Chan
    Francesc Chan 於 14/05/2017 評論 NO. 2

    保重

  • Yung Wai Ng
    Yung Wai Ng 於 14/05/2017 評論 NO. 3

    炒了晓士 好过

  • Zeroau Au
    Zeroau Au 於 14/05/2017 評論 NO. 4

    你睇你尋晚做黎 換左高洛治入黎 頭頭打左幾下高波 之後呢 有位都唔斬 打地波 想點

  • 黃嘉朗
    黃嘉朗 於 14/05/2017 評論 NO. 5

    曉士 燒鵝既價錢踢出發泡膠既味道

  • Cheng Pan Pan
    Cheng Pan Pan 於 14/05/2017 評論 NO. 6

    還我保贊!!!

  • Wong William
    Wong William 於 14/05/2017 評論 NO. 7

    第7 同 第17 好大分別咩? 無歐賽 吾使降

  • Siu Lung
    Siu Lung 於 14/05/2017 評論 NO. 8

    比拉希奴由之前喺西布朗扭計轉會俾人雪之後都冇好過

  • hykc
    hykc 於 14/05/2017 評論 NO. 9

    冇品球會球迷,剷斷人隻腳仲要噓人

  • Jeff Kwong
    Jeff Kwong 於 14/05/2017 評論 NO. 10

    洗左好多錢,但又打得唔好
    沙基利好懶散

  • 工藤新一
    工藤新一 於 14/05/2017 評論 NO. 11

    史篤城其實都簽咗好多球星,沙基利同艾費利以前係踢拜仁同巴塞,當然仲有借走咗嘅保贊,實力係有番咁上下,不過連續3季都排第9今季仲要退步咗又真係講唔過去

  • Chun Yu Wong
    Chun Yu Wong 於 14/05/2017 評論 NO. 12

    保贊😭

  • Daniel Cheong
    Daniel Cheong 於 14/05/2017 評論 NO. 13

    嘵士係得禁上下料子、唔降班算交到功課

  • Henry Lee
    Henry Lee 於 14/05/2017 評論 NO. 14

    唔應該放走佢,估唔到俾西維爾執到

  • Ng Soon Kiat
    Ng Soon Kiat 於 14/05/2017 評論 NO. 15

    只是wenger 无敌争四mode 下的牺牲品

  • Eric Yu
    Eric Yu 於 14/05/2017 評論 NO. 16

    搵曉士做領隊就預咗😏,其實史篤城個班底唔差。

  • Lee Lap Wai
    Lee Lap Wai 於 14/05/2017 評論 NO. 17

    長期用啲低技術中場,韋倫 查理阿當,比佢買美斯都冇用啦。艾費利唔用 保贊借走,中鋒迪奧夫成日唔出 寧用老將高治 禾達斯,係要打啲舊英式踢法

  • Wing Yiu Hong
    Wing Yiu Hong 於 14/05/2017 評論 NO. 18

    留得係英超已經感恩

  • Jason Lap Hei Leung
    Jason Lap Hei Leung 於 14/05/2017 評論 NO. 19

    以前好討厭呢隊波,個波都吾係地面到踢嘅,打rugby咩

  • Jeff Man
    Jeff Man 於 14/05/2017 評論 NO. 20

    其實重點係中場人腳根本做唔到野,有奧地利伊巴,瑞士美斯,有威爾斯派路,就係少左個中場😞😞

  • Akira Leung
    Akira Leung 於 14/05/2017 評論 NO. 21

    仲要靠高治先識入波,成績梗係差啦

  • Kit Mill
    Kit Mill 於 14/05/2017 評論 NO. 22

    睇翻水晶宮韋斯咸都充滿激情,相對史記無慾無求。

  • HY Lam
    HY Lam 於 15/05/2017 評論 NO. 23

    城篤史

快捷鍵:←
快捷鍵:→