從1-1戰和紐卡素的比賽看利物浦現時的問題 文字

藍斯有波講波於 02/10/2017 發表 收藏文章
利記又失分 , 在聖占士公園球場被前領隊賓尼迪斯的紐卡素逼和1-1 , 而利物浦在聯賽第三輪大勝阿仙奴4球後 , 近4戰英超比賽只取得1勝2和1負的成績 , 聯賽排名也由第二位跌至現時第七位。

利記的問題 , 你問街市的賣魚佬也知 , 後防太差 , 說實話 , 高普自信心也太高了 , 看了5億次引援目標仍然相信現時的中堅組合路夫雲和馬迪普 , 只能說你不是防守專家雲里亞尼 , 同時更重要的是利也缺乏一位"簡迪"。

(賓尼迪斯從未輸給利物浦)
但利物浦的問題真的是後防嗎? 執教生涯從未輸給利物浦的賓尼迪斯提出了意見 , "就像一塊毛毯 , 你用它蓋到了頭子 , 卻蓋不了腳子 ; 蓋到腳子 , 卻蓋不透頭子 。"

"當你球隊進攻慾望太強的時候 , 你的後防自然便會引致漏洞 , 找到攻守的平衝 , 才是致勝的關鍵。"

在古天奴世界波為利物浦取得領先後的7分鐘 , 紐卡素隊長舒爾維便找到了紅軍後防的缺口 , 長傳助攻西班牙前鋒祖斯路得手 , 後者單刀時雖遭遇了馬迪普的攔截 , 但幸運的是球彈回到祖斯路的腳下 , 1-1 紐卡素只花了7分鐘便追回了比分 。

現時利物浦的後防特點是兩閘很快 , 相信這也是高普再次使用艾蘭奴和重用高美斯的原因 , 而且兩人的進攻也確是不錯 , 但正因這一點 , 當紐卡素在反擊的一刻 , 這兩位後衛仍在前場位置 , 左右兩閘形式真空 , 其實你細看圖 , 左上角的艾素同樣處在無人看守的位置 , 同時路夫雲轉身也不快 , 只靠一位馬迪普獨力難支 。

高普的戰術是希望依靠一波又一波的進攻殺死隊手 , 利物浦本場確是有機會在上半場2-0領先對手 , 而不是1-1的失望的比分回到更衣室 , 但沙拿有勇,隊友無能,今季利物浦的第二個問題-史杜列治。

今季的史杜列治和正選前鋒費明奴的差距沒有拉近 , 而是愈來愈遠 , 後者的活動範圍 , 可以兩翼位進攻組織 , 傳球也甚具威脅性 , 雖然近況回落 , 但是現時史杜列治依不能相比的 , 只因史杜列治更低迷 , 在本場比賽 , 史杜列治給球迷感覺遊離於整個利的整體 , 相信不少球迷在下看見費明奴上陣的時候 , 如在漆黑中看到曙光。

"現在史杜列治已不是那年在3S時代的史杜列治了。"前紅軍副隊長加歷查在賽後評論道。

留住史杜列治 , 現今看來是雙敗局面。 前紅軍球員和領隊桑拿士更是直指史杜列治的本場比賽的表現不值得擔任正選的。

蘇蘭基 ? 不要太天真每次車路士也會放出高質球員 , 更何況只是一位預備隊球員。

前鋒問題 , 是令利物浦攻守達到不平衝的原因之一 , 他們雖然簽約了沙拿這位今季至今利物浦表現最好的球員 , 中前場還有古天奴 , 文尼 , 米拿和養傷的拉蘭拿可以幫忙組織 , 但在利物浦正正缺乏一位優秀的禁區終結者 , 前鋒線上還有恩格斯 , 但這位長期傷兵 , 仍在復操找回狀態呢。

最後一個問題是球員體能 , 高普可以將他的球員由三星變為三星半 三星半變為四星 , 但他忘記了球員是人不是機械人 , 在近數場的比賽中 , 你也可以看見利物浦在下半場七十多分鐘已開始現疲態 , 這除了是上半場前場逼搶的後果 , 也是除英超外還要應付歐冠做成的體能問題 , 在近四場英超比賽的下半場 , 利物浦只攻入一球 , 剛巧便是利記戰勝李斯特城的一場比賽 , 上半場如狼似虎 , 下半場漸變睡虎 , 是利物浦的問題之一 , 也是高普必須解決的地方 , 但我認為利物浦更感該在比賽中找到他們的攻守平衝 , 什麼時候應該加強防守 , 那怕是回傳給中堅 , 讓前場球員回回氣也好 , 否則一波未完第二波未開結已玩完 。



請支持百分百香港出品的原創足球文章 - 藍斯有波講波 , 你的支持,我的動力
https://www.facebook.com/ramsdiscusshk
標籤: 紐卡素  利物浦  古天奴  

留言

會員
我要評論
請按此登錄後留言。未成為會員? 立即註冊
  • Sunny Yau
    Sunny Yau 於 02/10/2017 評論 NO. 1

    從來覺得佢係一般貨式,,利記簽佢係多餘,,

  • Black Tam
    Black Tam 於 02/10/2017 評論 NO. 2

    張生去車仔打右翼衛仲好,佢好岩干地用!依家仲衰過係阿記!

  • Lawrence Ma
    Lawrence Ma 於 02/10/2017 評論 NO. 3

    地獄黑仔王 張伯倫

  • Patrickewell
    Patrickewell 於 02/10/2017 評論 NO. 4

    世青杯的金球獎最佳球員不是好球員!?笑咗!!

  • Allen Chan
    Allen Chan 於 02/10/2017 評論 NO. 5

    一早估到和波,神兵根本要踢翼

  • Wai Man Fong
    Wai Man Fong 於 02/10/2017 評論 NO. 6

    絕對認同筆者所指,過份體力化打法嘅後遺症!再咁打落去,季中未到隊波已經散曬!

  • Jeff Kwong
    Jeff Kwong 於 02/10/2017 評論 NO. 7

    今時今日唧史杜歴治真係得啖笑,送到埋口都唔入

  • Kevin Kwan
    Kevin Kwan 於 02/10/2017 評論 NO. 8

    最大既問題係明知有問題fsg 都唔願意比錢解決

  • Kenny Chin
    Kenny Chin 於 02/10/2017 評論 NO. 9

    除咗後防問題就係冇個似樣個防中...自從Lucas後期利記就冇入返個好防中保護後場。而且高普既全場逼搶好多時候到後期啲球員就開始冇氣...

  • Eric Ho
    Eric Ho 於 02/10/2017 評論 NO. 10

    和波既原因係入球唔夠人多

  • Jason Lee
    Jason Lee 於 02/10/2017 評論 NO. 11

    做羅賓做到上癮!😆

  • Victor Ip
    Victor Ip 於 02/10/2017 評論 NO. 12

    現時利物浦的後防特點是兩閘很快 , 相信這也是高普再次使用艾蘭奴和重用高美斯的原因 , 而且兩人的進攻也確是不錯<<<高美斯進攻唔錯?係咪講緊樓奴·高美斯?

  • Ma Percy
    Ma Percy 於 02/10/2017 評論 NO. 13

    最大問題可能係踢錯組別...😏

  • Benson Tang
    Benson Tang 於 02/10/2017 評論 NO. 14

    真係只係現時?除左賓仔果陣咁多年都係呢啲問題😕以為高普好好,熱血就夠晒,買人既眼光標晒血

  • Kevin Lo
    Kevin Lo 於 02/10/2017 評論 NO. 15

    熱血防守
    有球必應

  • Wilson Yuen
    Wilson Yuen 於 02/10/2017 評論 NO. 16

    最廢糸高普又唔買人,買埋d張伯倫就阻住木燒出, solanke永無正選一味F9或無態史獨, 後面成條豆腐防線, 歐又用廢龍Karius, Milner唔踢得左後既買件羅拔臣啫喱返來擺,高普傷透全球利迷心,睇到利記踢成咁極心痛

  • Lo Fei
    Lo Fei 於 02/10/2017 評論 NO. 17

    前面班人巳經冇料,包越位2條友仲發緊夢

  • Jeff Wong
    Jeff Wong 於 02/10/2017 評論 NO. 18

    唔怪得古天奴要走的,隊友實在唔爭氣

  • Walter Yeung
    Walter Yeung 於 02/10/2017 評論 NO. 19

    其實又話進攻點勁點勁,除左兩球中龍波(一球入波,一球奇勒解圍撻q)外,只有一球中柱同中柱之後奇勒解圍失誤係造成威脅。之後時間係係到猜猜猜,所以兩閘先會出迎,先會失波。
    基本上呢隊波只靠反擊,如果紐記換左奇勒,換過快既中堅,例如梅姆巴咁,一開波造成既險象都冇。話守不穩,不如話攻不銳令守不穩仲好過。古埃及文明得啖笑。
    Btw, (左上角的艾素同樣處在無人看守的位置 ,)利記的球迷連艾素係黑人定白人踢咩位都唔知,仲可以出分析,笑大人地個口,艾素係左上角,咁右下角個個黑人係邊個呢?

  • Joseph Lam
    Joseph Lam 於 02/10/2017 評論 NO. 20

    我覺人手唔夠體能問題

  • Michael So
    Michael So 於 03/10/2017 評論 NO. 21

    利迷話下一場你就知。。。上場都係咁講,上上上上場都係咁講,上季到宜家都係咁講。。。

  • wombat
    wombat 於 04/10/2017 評論 NO. 22

    “ 摩蘭奴同高美斯進攻確實也不錯” 都講得出。

    羅拔臣同米拿真係好唔過摩蘭奴?張仔買返嚟擺㗎?! 雖然佢喺歐聯打到pat屎咁,但係始終都要適應期。 同樣史獨我都贊成連續畀佢踢多幾場,之前佢實在出得太少,博一博佢可以搵番入球觸覺。 利記好需要一個多產正中鋒

快捷鍵:←
快捷鍵:→