羅拔圖前晚為巴塞射入的絕殺入球影響到底有幾大？大到足以決定千百人的生命！有無咁誇呀？
珍珠都無咁真呀，巴塞中堅碧基就提醒巴塞隆拿市內醫院產房，要為九個月後做好準備，到時一定忙到踢哂腳。碧基回憶在2009年歐聯準決賽，巴塞憑恩尼斯達於補時絕殺車路士晉級，當晚市內除大放煙花慶祝外，好多情侶仲用自己愛做的方式來熱身，率先打響頭炮，結果九個月後市內出生率激增了接近一半！碧基預言今次增幅有多無少，仲建議醫院要預早計劃增聘人手。
翻查資料，碧基唔係亂吹，原來當年真係有學者研究過，在比賽後的九個月，調查過巴塞市內五間醫院的出生率，發現激增了45%，相信是與巴塞的勝仗有關。
將來可能有一批人，除咗要多謝自己老豆，仲要多謝羅拔圖叔叔呢一射，將佢哋帶來世上！
碧基講得好露骨：「呢晚大家會做好多愛。」
看來呢晚走唔甩嘅仲有流行歌后Shakira！
http://www.india.com/sports/gerard-pique-warns-hospital-to-stay-prepared-for-barcelona-induced-baby-boom-1907543/
請按此登錄後留言。未成為會員? 立即註冊